দুখন বাইকৰ মুখামুখি সংঘৰ্ষ: নিহত এজন

কৰিমগঞ্জৰ চেৰাগী বজাৰত সংঘটিত এক ভয়ংকৰ পথ দুৰ্ঘটনাত এজন যুৱক নিহত হোৱাৰ লগতে তিনিজন গুৰুতৰভাৱে আঘাত প্ৰাপ্ত হয় ৷

কৰিমগঞ্জ, 28 এপ্ৰিল : কৰিমগঞ্জৰ চেৰাগী বজাৰত এক ভয়ংকৰ পথ দুৰ্ঘটনা সংঘটিত হয় । দুখন বাইকৰ মুখামুখি সংঘৰ্ষৰ ফলত সংঘটিত হয় দুৰ্ঘটনাটো ৷

দুৰ্ঘটনাৰ ফলত এজন লোক নিহত হোৱাৰ লগতে আন তিনিজন লোক গুৰুতৰভাৱে আহত হয় ৷ জানিব পৰা মতে বাইক দুখনত অহা ফকৰুল ইছলাম, ছুহেল আহমেদ, ছাহিন হুছেইন আৰু মুক্তাৰ হুছেইন নামৰ যুৱক কেইজনক সংকটজনক অৱস্থাত চিকিৎসায়ত ভৰ্তি কৰা হয় ৷ ইয়াৰে মুক্তাৰ হুছেইন নামৰ যুৱক জনৰ চিকিৎসালয়ত মৃত্যু হয় বুলি জানিব পৰা গৈছে ৷

বৰ্তমানে আন তিনিজন গুৰুতৰভাৱে আঘাত প্ৰাপ্ত যুৱকক কৰিমগঞ্জ অসামৰিক চিকিৎসালয় লৈ প্ৰেৰণ কৰা হৈছে ৷ স্থানীয় আৰক্ষীৰ সহযোগত যুৱক কেইজনক চিকিৎসালয় লৈ প্ৰেৰণ কৰা হয় ৷ বাইক দুখনৰ নম্বৰ ক্ৰমে AS-1OD-1261 আৰু MZ-01D-7131 ৷

লগতে পঢ়ক: বোকাজানত ভয়ংকৰ পথ দুৰ্ঘটনা: নিহত এজন