কৰিমগঞ্জ, 15 নৱেম্বৰঃ কৰিমগঞ্জত সংঘটিত হৈছে এক গণধৰ্ষণৰ ঘটনা ৷ শিলচৰ চিকিৎসা মহাবিদ্যালয়ত ভৰ্তি হৈ থকা মাতৃক সাক্ষাৎ কৰিবলৈ অহা ত্ৰিপুৰাৰ দুই যুৱতীক ধৰ্ষণ কৰে 5 পাষণ্ডই ৷ ঘটনা অনুসৰি, শুকুৰবাৰে ত্ৰিপুৰাৰ দুই যুৱতীয়ে শিলচৰত চিকিৎসাধীন নিজ মাতৃক সাক্ষাৎ কৰিবলৈ আহিছিল ৷ মাতৃক সাক্ষাৎ কৰি ত্ৰিপুৰালৈ ওভটাৰ বাবে দুয়ো এখন অল্ট’ বাহন ভাড়া কৰে ৷ কিন্তু নিশা প্ৰায় 1 বজাত বাহনখনৰ চালকে অন্য এক পথেৰে নি কৰিমগঞ্জৰ নিলামবজাৰৰ এটি নিৰ্মিয়মান অট্টালিকাত দুয়ো যুৱতীকে বন্দী কৰি আন চাৰিজন লোকেৰে মিলি ধৰ্ষণ চলায় ৷
শনিবাৰে ভূক্তভোগী যুৱতী দুগৰাকীয়ে ঘটনাস্থলীৰ পৰা পলায়ন কৰি আহি সমগ্ৰ ঘটনা সন্দৰ্ভত নিলামবজাৰ থানাত এক গোচৰ ৰুজু কৰে ৷ এই গোচৰৰ ভিত্তিতেই আৰক্ষীয়ে এজন অভিযুক্তক আটক কৰিবলৈ সক্ষম হয় ৷ ধৃত আব্দুল আহাদৰ ভাষ্যৰ উপৰিও পাথাৰকান্দি আৰক্ষী থানাৰ অন্তৰ্গত ৰাজস্থানী হোটেলৰ চিচিটিভি ফুটেজৰ ভিত্তিত পলাতক ছামছুল উদ্দিন, আবু বক্কৰ, আনোৱাৰ হুছেইন আৰু ছুফান আলিক আটক কৰিবলৈ সক্ষম হয় আৰক্ষীয়ে ৷
লগতে পঢ়ক-2021: বিহাৰত ওৱেইছিয়ে লোৱা ভূমিকা অসমত পালন কৰিব আজমলে
