নাগালেণ্ডৰ পৰা ৰে'ল লাইনেৰে খোজ কাঢ়ি ডিফুত উপস্থিত শতাধিক শ্ৰমিক

অসমৰ সীমামুৰীয়া ৰাজ্য নাগালেণ্ডৰ ডিমাপুৰৰ পৰা শতাধিক শ্ৰমিকে ৰে'ল লাইনেৰে খোজ কাঢ়ি কাঢ়িয়েই উপস্থিত হৈছে ডিফুত ৷ ইতিমধ্যে ডিফু পানবাৰী গাঁওৰক্ষী বাহিনীয়ে শ্ৰমিক সকলক খাদ্য সামগ্ৰীৰ যোগান ধৰাৰ লগতে স্থাস্থ্য বিভাগ আৰু আৰক্ষীক অৱগত কৰে ৷

ডিফু, 27 এপ্ৰিলঃ নাগালেণ্ডৰ পৰা ৰে'ল লাইনেৰে খোজকাঢ়ি ডিফুত উপস্থিত হয় শতাধিক শ্ৰমিক ৷ দুদিন ধৰি খোজকাঢ়ি ডিফুত উপস্থিত হয় শতাধিক শ্ৰমিক ৷

লক ডাউনত আবদ্ধ হোৱা লোকসকলক নিজ নিজ ঘৰলৈ ওভতি যোৱাৰ বাবে চৰকাৰে ৰাজ্যজুৰি আন্তঃজিলা পৰিবহন ব্যৱস্থা আৰম্ভ কৰাৰ সময়তেই ডিফুত দেখা গ'ল এক ব্যতিক্ৰমী দৃশ্য ৷ অসমৰ সীমামুৰীয়া ৰাজ্য নাগালেণ্ডৰ ডিমাপুৰৰ পৰা শতাধিক শ্ৰমিকে ডিমাপুৰ-ডিফু ৰে'ল লাইনেৰে খোজ কাঢ়ি কাঢ়িয়েই উপস্থিত হৈছে ডিফুত ৷

আনহাতে,উপায়ন্তৰ হৈ শ্ৰমিকসকলে ৰে'ল লাইনৰ ওপৰেৰে খোজ কাঢ়িয়েই যাবলৈ ওলাইছে নিজ নিজ ঘৰলৈ ৷ ইয়াৰে অধিকাংশ শ্ৰমিকেই বিহাৰৰ লোক, কিছুলোক ধুবুৰী কোকৰাঝাৰ,নগাওঁ,হোজাই আদি জিলাৰ ৷ নাগালেণ্ডৰ ডিমাপুৰত কিছু লোকে অট'চালক আৰু কিছুলোকে দিন হাজিৰা কৰিয়েই জীৱন নিৰ্বাহ কৰিছিল ৷ ডিফু ৰে'ল লাইনৰ পদপথত উপস্থিত হোৱা শ্ৰমিকসকলক আহি থকা অৱস্থাত ডিফুৰ পানবাৰী বড়োগাঁও গাঁওৰক্ষী বাহিনীয়ে শ্ৰমিক সকলক উদ্ধাৰ কৰি কিছু খাদ্যৰ যোগান ধৰাৰ লগতে আৰক্ষী আৰু স্বাস্থ্য বিভাগক অৱগত কৰে ৷ ঘটনাস্থলীত স্থাস্থ্য বিভাগ আৰু আৰক্ষীৰ লোক উপস্থিত হৈ শ্ৰমিক সকলক উদ্ধাৰ কৰে ৷ আনহাতে,ডিফু চিকিৎসা মহাবিদ্যালয় হাস্পতাললৈ লৈ যায় ৷ ইয়াৰে বিহাৰৰ শ্ৰমিকসকলক কাৰ্বি আংলং জিলা প্ৰশাসনৰ তত্বাৱধনাত ৰখাৰ বিপৰীতে হোজাই,ধুবুৰী আৰু বৈঠালাংছ' নগাঁও, আৰু কোকৰাঝাৰৰ লোকসকলক নিজ নিজ ঘৰলৈ পঠিওৱাৰ ব্যৱস্থা কৰিব বুলি জানিব পৰা গৈছে ৷

লগতে পঢ়ক- দৰিদ্ৰ পৰিয়ালক সহায়ৰ হাত SSB জোৱানৰ