ডিফু, 31 আগষ্ট: অসম-মেঘালয়ৰ সীমা বিবাদক লৈ সৰব হৈ পৰিছে কাৰ্বি আংলঙৰ ১১ টাকৈ সংগঠন (Assam Meghalaya border issue) ৷ KUYA, KHDRC, KYDA, LYDC, AJD, YAAC, UPKA, SYDC, KAYA, KALU, KYSO নামৰ সংগঠন কেইটাই সীমান্তৱৰ্তী গাঁও সমূহৰ নাম কাৰ্বি নামেৰে নামাকৰণৰ বাবে আহ্বান জনাইছে (Karbi organizations on border dispute) । ডিফুস্থিত জিলা প্ৰেছ ক্লাৱত এক সংবাদ মেলৰ আয়োজন কৰি এই বিষয়ত মন্তব্য প্ৰকাশ কৰে সংগঠন কেইটাই ৷
উল্লেখ্য যে, দ্বিতীয় পৰ্যায়ত আৰম্ভ হোৱা ছটা বিবদমান অঞ্চলৰ সীমা বিবাদক লৈ চলা আলোচনাত কাৰ্বি আংলঙৰ সীমা বিবাদে স্থান লাভ কৰিছে (Disputed land in Karbi Anglong border) । ইয়াকে লৈ পাৰ্বত্য জিলা দুখনত সৃষ্টি হৈছে তুমুল বিতৰ্ক । জিলাখনৰ দল-সংগঠন সমূহৰ মেঘালয়ৰ সৈতে কোনো বিবাদ নাই যদিও জিলা গঠনৰ সময়ত যি সীমা নিৰ্ধাৰণ কৰা হৈছিল সেই সীমাকেই বৰ্তাই ৰখাৰ বাবে আহ্বান জনায় ।
সংগঠনসমূহে কাৰ্বি আংলঙৰ এক ইঞ্চি ভূমিও এৰি নিদিয়ে বুলি হুংকৰ দিয়ে । সংগঠন কেইটাই দাবী কৰা অনুসৰি ১০,৪৩৪ বৰ্গ কিলোমিটাৰ ভূমিৰ দুয়োখন জিলাৰ এক ইঞ্চিও আন ৰাজ্যক প্ৰদান কৰা নহয় আৰু আন ৰাজ্যৰ ভূমিও কাৰ্বি আংলঙক প্ৰয়োজন নাই ।
অৱশ্যে মেঘালয়-কাৰ্বি আংলং সীমান্তৱৰ্তী এলেকাৰ খাচী নামত থকা গাঁওসমূহ কাৰ্বি নামলৈ পৰিৱৰ্তন কৰাৰ বাবে পৰিষদক আহ্বান জনায় । কাৰ্বি আংলং স্বায়ত্ব শাসিত পৰিষদৰ কাৰ্যবাহী সভাত এই বিষয়ত প্ৰস্তাৱ গ্ৰহণ কৰি কাৰ্বি আংলঙৰ সীমা বিবাদ নিস্পত্তি কৰাৰ বাবে দাবী জনায় সংগঠন সমূহে ।
লগতে পঢ়ক: সীমা বিবাদ নিষ্পত্তিৰ বাবে অসম অৰুণাচল সীমান্ত পৰিদৰ্শন বিশেষ দলৰ
