কাৰ্বি স্বায়ত্বশাসিত পৰিষদৰ দ্বাৰা বাছ সেৱা উদ্বোধন

কাৰ্বি আংলং স্বায়ত্বশাসিত পৰিষদে সোমবাৰে মুকলি কৰে কেবাটাও আঁচনিৰ ৷ পৰিবহণ বিভাগৰ এটা কৰ্মশালাৰ লগতে এটা প্ৰশাসনিক গৃহ আৰু দুখনকৈ বাছ উদ্বোধন কৰে পৰিষদে ৷

ডিফু, 4 নৱেম্বৰঃ কাৰ্বিং আংলং স্বায়ত্বশাসিত পৰিষদত সোমবাৰে মুকলি কৰা হয় বহুকেইটা অভিলাষী আঁচনি ৷ স্বায়ত্বশাসিত পৰিষদৰ পৰিবহণ বিভাগে ড'নাৰ মন্ত্ৰাণালয়ৰ এন এল চিপি আৰ আঁচনিৰ সহায়ত মুকলি কৰে পাহাৰীয়া জিলাখনৰ বাবে এইকেইটা অভিলাষী আঁচনি ৷ 1 কোটি 5 লাখ 41 হাজাৰ টকা ব্যয় কৰি আঁচনিসমূহ মুকলি কৰা হয় ৷

সোমবাৰে মুকলি হোৱা আঁচনিৰ ভিতৰত এটা কৰ্মশালাৰ লগতে এটা প্ৰশাসনিক ভৱন আৰু দুখনকৈ বাছ অন্তৰ্ভুক্ত হৈছে ৷ ডিফুত পৰিষদৰ মুখ্য কাৰ্যবাহী সদস্য তুলিৰাম ৰংহাং আৰু সাংসদ হৰেণসিং বে'ই আঁচনিসমূহ মুকলি কৰে ৷ বাছ দুখনে নিলীপ পৰিষদীয় সমষ্টিৰ বাবে ডিফুৰ ৰংমংবে' আৰু দুৱাৰ আমলা পৰিষদীয় সমষ্টিৰ বাবে ভকচঙ হৈ ৰাজাগাঁৱৰ পৰা গুৱাহাটীলৈ যাত্ৰা কৰিব ৷ কৰ্মশালা আৰু প্ৰশাসনিক ভৱনটোৰ লগতে বাছ দুখনে ৰাইজৰ দীৰ্ঘদিনীয়া অভাৱ পূৰণ কৰিবলৈ সক্ষম হ'ব বুলি মুখ্য কাৰ্যবাহী সদস্য তুলিৰাম ৰংহাঙে মন্তব্য কৰে ৷

লগতে পঢ়কঃ ৰাষ্ট্ৰীয় পৰ্যায়ত উজলাৰ লক্ষ্য আন এগৰাকী অসম কন্যাৰ