ডিফু/মৰাণ, 4 নৱেম্বৰ : ৰাজ্যত অব্যাহত আছে চোৰাং কাঠ(Illegal Wood)ৰ ৰমৰমীয়া বেহা ৷ শেহতীয়াকৈ কাৰ্বি আংলং জিলাৰ বকলীয়াঘাটত 5 লক্ষাধিক টকাৰ মূল্যৱান কাঠসহ 10 টা দুস্কৃতিকাৰীক আটক কৰাৰ ঘটনাৰ মাৰ নৌযাওতেই বুধবাৰে ডিফুত জব্দ কৰা হয় প্ৰায় লক্ষাধিক টকাৰ চোৰাং মূল্যৱান কাঠ ৷ জব্দকৃত চোৰাং কাঠখিনিৰ সৈতে 9 টা দুস্কৃতিকাৰীক আটক কৰে বন বিভাগে(Forest Department) ৷
মঙলবাৰে নিশাৰ ভাগত বন বিভাগ আৰু আৰক্ষীয়ে চলোৱা যুটীয়া অভিযানত প্ৰথমে এখন ট্ৰাকত পমা আৰু কাঠৰ ফাণ্টা বোজাই কৰা দেখা পাই চালকসহ 9 টা চোৰাং কাঠ ব্যৱসায়ীক আটক হয় ৷ উক্ত অভিযানটোৰ নেতৃত্ব বহন কৰে বন বিভাগৰ চেণ্ট্ৰেল ৰেঞ্জৰ এচিএফ প্ৰণৱ তেৰাং, পূৱ আৰু পশ্চিম প্ৰটেকশ্যন ৰেঞ্জৰ বিষয়া ক্ৰমে বাবুল ৰংপি আৰু মণ্ডল ইংলেঙে ৷
আনহাতে, শেহতীয়াকৈ অবৈধ শিল-বালি, চোৰাং কাঠৰ ব্যৱসায়ৰ ঘাটি হৈ পৰিছে চৰাইদেউ জিলা । বিগত কেইদিনমানৰ পৰা বহুকেইখন অবৈধ বালি কঢ়িয়াই নিয়া বাহন বন বিভাগে জব্দ কৰাৰ পাচতে পুনৰ চৰাইদেউৰ বৰহাট বন বিভাগে লাভ কৰিছে এক বৃহৎ সাফল্য ৷
বুধবাৰে নিশা বৰহাট আঞ্চলিক বন বিষয়া অজিত গগৈৰ নেতৃত্বত সাপেখাতীত চলোৱা এক অভিযানত চোৰাং কাঠ ভৰ্তি এখন টাটা ডি আই বাহন জব্দ হয় ৷ জব্দ কৰা গাড়ীখনৰ নম্বৰ হৈছে AS-23-CC-6345 ৷ অৱশ্যে ঘটনাৰ সৈতে জড়িত চোৰাং কাঠ ব্যৱসায়ীয়ে নিশাৰ ভাগত সুযোগ গ্ৰহণ কৰি বাহন এৰি ঘটনাস্থলীৰ পৰা পলায়ন কৰে ৷ জব্দকৃত কাঠখিনিৰ মূল্য বহু লাখ টকা হ’ব বুলি জানিবলৈ দিয়ে বন বিষয়া অজিত গগৈয়ে ।
লগতে পঢ়ক : কলিয়াবৰত বৃহৎ পৰিমাণৰ হেৰ’ইনসহ আটক এজন
