গুৱাহাটী, ৩০ নবেম্বৰ : মুখ্যমন্ত্ৰীৰ তদাৰকী কোষে (CM Vigilance Cell) ধুবুৰীৰ প্ৰাক্তন অতিৰিক্ত উপায়ুক্ত চাইবুৰ ৰহমানৰ বিৰুদ্ধে দাখিল কৰিলে চাৰ্জশ্বিট । তদন্ত সম্পূৰ্ণ হোৱাৰ পাছত অভিযুক্ত চাইবুৰ ৰহমানৰ বিৰুদ্ধে পৰ্যাপ্ত প্ৰমাণ পোৱাৰ পিছত তদাৰকী কোষে মঙলবাৰে বিশেষ ন্যায়াধীশৰ আদালতত ৩০৫ পৃষ্ঠাৰ দীঘলীয়া অভিযোগনামা দাখিল কৰে (Chargesheet Against ACS officer Saibur Rahman) । তদাৰকী কোষে লগতে জনাই যে, গোচৰটোৰ তদন্ত মুকলি ৰখা হৈছে আৰু পৰৱৰ্তী সময়ত এই গোচৰটোৰ পৰিপূৰক অভিযোগনামা দাখিল কৰা হ’ব ।
উল্লেখ্য যে, মুখ্যমন্ত্ৰী তদাৰকী কোষে চাইবুৰ ৰহমান (Saibur Rahman News)ৰ বিৰুদ্ধে দুটা গোচৰ ৰুজু কৰিছিল । প্ৰথমটো গোচৰ আছিল আয়তকৈ অধিক সম্পত্তিৰ গোচৰ (Disproportionate Assets Case) আৰু দ্বিতীয়টো গোচৰ আছিল গাঁওবুঢ়া নিযুক্তি কেলেংকাৰী (village head appointment scam) ৷ চাইবুৰ ৰহমানৰ নামত গুৱাহাটীৰ মুঠ ২৮ টাকৈ স্থানত অস্থাৱৰ সম্পত্তি আৰু ১০০ কোটিতকৈও অধিক টকাৰ সম্পত্তি থকাৰ তথ্য মুখ্যমন্ত্রীৰ তদাৰকী কোষৰ তদন্তত পোহৰলৈ আহিছিল ।
অৱশ্যে এই গোচৰত নিৰ্দিষ্ট সময়ৰ ভিতৰত চাৰ্জশ্বিট দাখিল কৰিব নোৱাৰা বাবেই ৰহমানক জামিন প্ৰদান কৰিছিল আদালতে । কিন্তু তেওঁৰ বিৰুদ্ধে ৰুজু হৈ থকা অন্য এটা গোচৰ গাঁওবুঢ়া নিযুক্তি কেলেংকাৰী সন্দৰ্ভত তদাৰকী শাখাই মঙলবাৰে দাখিল কৰে চাৰ্জশ্বিট(CM Vigilance Cell filed Chargesheet) ৷
ইফালে, এই গোচৰতে অভিযুক্ত দক্ষিণ শালমাৰাৰ তদানীন্তন উপায়ুক্ত আতিকা চুলতানাক মঙলবাৰে পুনৰ মুখ্যমন্ত্ৰীৰ তদাৰকী কোষে প্ৰায় ৬ ঘন্টা ধৰি জেৰা চলায় । জেৰাৰ অন্তত তেওঁক যাবলৈ দিয়া হয় যদিও প্ৰয়োজনত পুনৰ তদাৰকী শাখাৰ ওচৰত হাজিৰ হ’ব লাগিব তদানীন্তন উপায়ুক্ত গৰাকী ।
লগতে পঢ়ক: Covid-19 protocol in Assam:দৰ্শকৰ বাবে মুকলি কৰা হৈছে শিৱসাগৰৰ ঐতিহাসিক ক্ষেত্ৰসমূহ
