দক্ষিণ কামৰূপ, ২ ফেব্ৰুৱাৰী: সমগ্ৰ বিশ্বতে মঙলবাৰে পালন কৰা হ'ল বিশ্ব জলাশয় দিৱস । প্ৰকৃতিৰ ৰম্যভূমি তথা পৰিভ্ৰমী পক্ষীৰ বিচৰণস্থলী কামৰূপৰ দীপৰ বিলতো বিশ্ব জলাশয় দিৱস উদযাপন কৰা হয় । দীপৰ বিল পাঁচপাৰা সমবায় সমিতিৰ উদ্যোগত বিশ্ব জলাশয় দিৱস উপলক্ষে কেইবাটাও কাৰ্যসূচী ৰূপায়ণ কৰা হয় । দীপৰ বিলত মাছ ধৰি জীৱিকা নিৰ্বাহ কৰা মাছমৰীয়াসকলে লগ হৈ দীপৰ বিলৰ পাৰৰ লগতে বিলৰ পানীও চাফ-চিকুন কৰে ।
লগতে দীপৰ বিল সংৰক্ষণৰ ক্ষেত্ৰত চৰকাৰে অৱহেলা কৰি থকাৰ অভিযোগ তুলি চৰকাৰক সমলোচনা কৰে । শীঘ্ৰে এই ক্ষেত্ৰত চৰকাৰে ব্যৱস্থা গ্ৰহণ নকৰিলে আন্দোলন গঢ়ি তোলাৰো হুংকাৰ দিয়ে উপস্থিত লোকসকলে । মৰা ভৰলু, দাম্পিং গ্ৰাউণ্ড আদিৰ আৱৰ্জনাসমূহ দীপৰ বিলত পেলোৱাৰ বাবে চৰকাৰক তীব্ৰ সমলোচনা কৰে । বিশ্ব জলাশয় দিৱসৰ লগত সংগতি ৰাখি দীপৰ বিল পাঁচপাৰা সমবায় সমিতিৰ উদ্যোগত বিলৰ পাৰত বৃক্ষৰোপণো কৰা হয় ।
লগতে পঢ়ক:শিৱসাগৰৰ আমগুৰিত পথ দুৰ্ঘটনাত এজন কিশোৰৰ মৃত্যু
