ৰঙিয়া, 08 চেপ্তেম্বৰঃ প্ৰচণ্ড বিস্ফোৰণৰ শব্দত কঁপি উঠিল ৰঙিয়াৰ বিহাপাৰা অঞ্চল ৷ কথমপি প্ৰাণ ৰক্ষা শতাধিক লোকৰ ৷ শনিবাৰে ৰঙিয়াৰ পৰা চালাকাটিলৈ যোৱা 220 কেভি বিদ্যুৎ পৰিবাহী তাঁৰ এজন লোকৰ ঘৰৰ চাদত ছিঙি পৰাত সমগ্ৰ অঞ্চলটোত সৃষ্টি হয় আতংকৰ ৷ মুহূৰ্ততে অঞ্চলটোত থকা ট্ৰেন্সফৰ্মাৰ বিকল হৈ পৰাৰ লগতে ধাননী পথাৰতো পৰিল হাইভল্টেজ বিদ্যুৎপৰিবাহী তাঁৰ ৷ লগে লগে আতংকিত হৈ পৰা গাঁওবাসীয়ে বিদ্যুৎ পৰিষদৰ কৰ্মচাৰীক খবৰ দিয়ে যদিও কোনো ধৰণৰ ঘটনাস্থলীত পলমকৈ উপস্থিত হোৱাৰ অভিযোগ উত্থাপিত হৈছে ৷ পৰ্ৰবতী সময়ত আৰক্ষীয়ে পৰিস্থিতি নিয়ন্ত্ৰণ কৰে যদিও বহু সময় ধৰি স্থানীয় ৰাইজে বিদ্যুৎ পৰিষদৰ কৰ্মচাৰীক ঘেৰাও কৰি প্ৰতিবাদ সাব্যস্ত কৰে ৷
প্ৰচণ্ড বিষ্ফোৰণত কঁপিল ৰঙিয়া
