বকো, 19 অক্টোবৰ : বকোৰ বন্দাপাৰাত সোমবাৰে সন্ধিয়া সংঘটিত হয় ভয়াবহ পথ দুৰ্ঘটনা । এখন যাত্ৰীবাহী ট্ৰেভেলাৰৰ সৈতে বাইকৰ সংঘৰ্ষৰ ফলত নিহত হয় তিনিজন লোক । দুৰ্ঘটনাত গুৰুতৰভাবে আহত হয় প্ৰায় ৯ জন লোক ।
দুৰ্ঘটনাটোত বাইকত অহা দুজন যুৱকৰ লগতে ট্ৰেভেলাৰখনৰ এজন যাত্ৰী নিহত হয় । নিহত লোককেইজনৰ দুজন অজয় ৰাভা, উদ্ধৱ চৌধুৰী বুলি জানিব পৰা হৈছে । আনহাতে নিহত আন এজনৰ নাম বৰ্তমানলৈ জানিব পৰা হোৱা নাই । বাইক-ট্ৰেভেলাৰৰ সংঘৰ্ষৰ পিছতে ট্ৰেভেলাৰখন বাগৰি পৰে পথৰ দাঁতিত । ফলত ট্ৰেভেলাৰত বহুসময় আৱদ্ধ হৈ থাকে এটা মৃতদেহটো । দুৰ্ঘটনাত পতিত যাত্ৰীবাহী ট্ৰেভেলাৰখনৰ নম্বৰ AS01 EC 0705 ।
ঘটনাস্থলীত বকো আৰক্ষী উপস্থিত হৈ লোককেইজনক বকো প্ৰাথমিক স্বাস্থ্য কেন্দ্ৰত ভৰ্তি কৰে । ট্ৰেভেলাৰখন নগৰবেৰা চিমিলিতলালৈ গৈ আছিল । নিহত অজয় ৰাভাৰ ঘৰ বকোৰ বন্দাপাৰাত আৰু উদ্ধৱ চৌধুৰীৰ ঘৰ নগৰবেৰা পথালিপাৰাত বুলি জানিব পৰা হৈছে ।
লগতে পঢ়ক: প্ৰসংগ অসম-মিজোৰাম সীমান্তঃ গৃহমন্ত্ৰী অমিত শ্বাহৰ বিশেষ আহ্বান
