কামৰূপ, 23 আগষ্ট : সন্মুখত বিধানসভা নিৰ্বাচন । ৰাজপাত দখলৰ বাবে উঠি পৰি লাগিছে চৰকাৰ তথা বিৰোধী পক্ষ ৷ ইপিনে চৰকাৰৰ জনসাধাৰণ বিৰোধী কৰ্মৰ সুৰুঙা বিছাৰি গুৱাহাটী বিমানবন্দৰ ব্যক্তিগতকৰণৰ পাচতেই দেওবাৰে নেতা,পালি-নেতাসহ বৰঝাৰ বিমানবন্দৰত উপস্থিত হয় অসম প্ৰদেশ কংগ্ৰেছৰ সভাপতি ৰিপুন বৰা ।
দীৰ্ঘদিনীয়া প্ৰতিবাদৰ পিছতো বৰঝাৰ বিমানবন্দৰ কেন্দ্ৰীয় চৰকাৰে পুঁজিপতি গৌতম আদানীৰ হাতত গতাই দিয়া কাম সম্পন্ন হোৱাৰ পিছতহে হঠাতে সাৰ পালে বিৰোধী পক্ষ কংগ্ৰেছ দলটো । দেওবাৰে দুপৰীয়া বিমানবন্দৰৰ কৰ্মচাৰী সন্থা,টেক্সি চালক সন্থা আদিৰ সৈতে আলোচনাত মিলিত হৈ সোমবাৰে আন্দোলনত নামিব বুলি ৰিপুন বৰাই মন্তব্য কৰে । সম্প্ৰতি বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰ উদ্ধাৰ অভিযানত নামিব কংগ্ৰেছ ।
আনহাতে এই আলোচনাৰ পাচতেই সংবাদমাধ্যমৰ আগত মহাজোঁট তথা AIUDF ৰ সৈতে মিত্ৰতা সন্দৰ্ভত এতিয়াও আলোচনাহে চলি আছে বুলি জানিবলৈ দি যোৱাবাৰ বিধানসভা নিৰ্বাচনত মিত্ৰতা নকৰা বাবেই উজনি অসমত কংগ্ৰেছে ধূলিসাৎ হৈছিল বুলি অকপটে স্বীকাৰ কৰে বৰাই । লগতে মহাজোঁট কেৱল AIUDF অন্যান্য সকলো বিজেপি দলক আহ্বান জনোৱা হৈছে বুলি স্পষ্ট কৰে বৰাই ৷
উল্লেখ্য যে, শেহতীয়াকৈ দেশৰ 6 টা কৈ বিমানবন্দৰ ব্যক্তিগতকৰণ কৰাৰ কথা ঘোষণা কৰিছে কেন্দ্ৰৰ মোডী চৰকাৰে । এই বিমানবন্দৰ কেইটা ক্ৰমে, লক্ষ্ণৌ, আহমেদাবাদ, জয়পুৰ মংগালুৰু, তিৰুৱনন্তপুৰম আৰু গুৱাহাটী বিমান বন্দৰ ।
লগতে চাওক-গহপুৰত ধোঁৱা চাঙত জনস্বাস্থ্য কাৰিকৰী বিভাগৰ আঁচনি
