বকো, 27 জুনঃ আচলতে কোনো জীৱ জন্তু বা চোৰৰ বাবে পহৰা দিয়া নাই ৷ কামৰূপ জিলাৰ বকোৰ জৱাহৰলাল নেহৰু মহাবিদ্যালয়ত স্থাপন কৰা এটা কোৱাৰাইন্টাইন কেন্দ্ৰত পহৰা দিছে তিনিখন গাঁৱৰ ৰাইজে ৷ উদ্দেশ্য, কোৱাৰেন্টাইন কেন্দ্ৰটোৰ পৰা যাতে কোনো লোক পলাই যাব নোৱাৰে ৷ চ'কাবাহা, জাৰাপাৰা আৰু মৌমান গাঁৱৰ লোকসকলে ৮ ঘন্টাকৈ ২৪ ঘন্টাই গছৰ ওপৰত বহি পহৰা দিছে এটা কোৱাৰেন্টাইন কেন্দ্ৰ ৷ এই কেন্দ্ৰটো স্থাপন হোৱাৰ পাছতে ৰাইজে স্থানীয় প্ৰশাসনৰ লগত লগ হৈ গাঁৱৰক্ষী বাহিনীৰ জৰিয়তে দিনে নিশাই পহৰা দিয়াৰ ব্যৱস্থা কৰিছে । কাৰণ ইতিমধ্যে অসমৰ বিভিন্ন কোৱাৰেন্টাইন কেন্দ্ৰৰ পৰা বহু লোকে পলায়ন কৰাৰ তথ্য আছে ৷ আৰক্ষীৰ নিৰাপত্তা বেষ্টনীৰ মাজতে-
- সৰুসজাইৰ কোৱাৰেন্টাইন কেন্দ্ৰৰ পৰা 3 জন
- গোলাঘাটৰ পৰা এজন লোক
- কোকৰাঝাৰৰ বেচৰগাঁও কোৱাৰেন্টাইন কেন্দ্ৰৰ পৰা 33 জন
- শিলচৰৰ কোৱাৰেন্টাইন কেন্দ্ৰৰ পৰা 3 জন
- গোলাঘাটৰ কোৱাৰেন্টাইন কেন্দ্ৰৰ পৰা 3জন
- বঙাইগাঁৱৰ কোৱাৰেন্টাইন কেন্দ্ৰৰ পৰা 1 জন
লোকে পলায়ন কৰাৰ তথ্য প্ৰকাশ পাইছে বিগত দিনত ৷ সেয়ে বকোৰ তিনিখন গাঁৱৰ ৰাইজে কোৱাৰেন্টাইন কেন্দ্ৰৰ পৰা কোনো লোক পলাই গৈ যাতে বিপদ ঘটাব নোৱাৰে তাৰ বাবে দিনে নিশাই পাল পাতি পহৰাৰ ব্যৱস্থা কৰিছে ৷ উল্লেখ্য যে অসমত ব্যাপক মাত্ৰাত কোভিড-19ত আক্ৰান্ত লোকৰ সংখ্যা বৃদ্ধি পাইছে ৷
এই পৰ্যন্ত অসমত 6919 জন লোক আক্ৰান্ত হৈছে কৰ'ণাত
যাৰ বাবে চৰকাৰে গুৱাহাটী মহানগৰীৰ লগতে ৰাজ্যখনত পুনৰ লক ডাউন ঘোষণা কৰিছে ৷ অৱশ্যে এই লক ডাউন গুৱাহাটীৰ ক্ষেত্ৰত 14 দিনৰ বাবে থাকিব আৰু সমগ্ৰ ৰাজ্যতে সপ্তাহৰ দুটা দিন সম্পূৰ্ণ লক ডাউন হৈ থাকিব ৷
লগতে চাওকঃ গোলাঘাটত পুনৰ বন্যহস্তীৰ ত্ৰাস
