ৰঙিয়া, ৮ ডিচেম্বৰ : প্ৰায় ছমাহ পূৰ্বে বগৰীবাৰীত পুঠিমাৰী নৈৰ মথাউৰি ভাঙি ৰঙিয়াৰ বৃহত্তৰ অঞ্চলত প্ৰলয়ংকৰী বানৰ সৃষ্টি হৈছিল (Assam flood 2022) । সেই বানতেই মাদৈকাটা অঞ্চলত থকা ঐতিহাসিক আৰিমত্ত গড়ৰ এক বৃহৎ অংশ ভাঙি যায় (historical Arimatta Garh of Rangia) । হঠাতে অহা বানৰ ফলত গড়টোৰ প্ৰায় দুশ ফুট ভাঙি গৈ অঞ্চলটোৰ প্ৰায় ২০ খনতকৈও অধিক গাঁৱত বীভিষিকাৰ সৃষ্টি হয় ।
ভাঙি যোৱাৰ লগে লগে স্থানীয় ৰাইজে গড়টোৰ ভগ্নাংশ নিজে মেৰামতিৰ চেষ্টা কৰিছিল যদিও সফল হ'ব নোৱাৰিলে (Arimatta Garh affected in flood) । বানপানী শামকটাৰ পিছত গড়টোৰ ভগ্নাংশৰ মেৰামতিৰ প্ৰয়োজন আছিল যদিও বৰ্তমানলৈ তেনে ব্যৱস্থা গ্ৰহণ নকৰাৰ অভিযোগ উত্থাপিত হৈছে ।
স্থানীয় ৰাইজে জনোৱা অনুসৰি, গড়টো পৰিদৰ্শনৰ বাবে এবাৰ বিভাগীয় কৰ্মচাৰী আহিছিল যদিও বৰ্তমানলৈকে মেৰামতিৰ বাবে একো ব্যৱস্থা গ্ৰহণ কৰা হোৱা নাই (historical Arimatta Garh in existential crisis) । ৰাইজে আশংকা প্ৰকাশ কৰিছে যে যুগ যুগ ধৰি অঞ্চলটোক পুঠিমাৰী নৈৰ বানৰ পৰা ৰক্ষা কৰি অহা গড়টোৰ ভগ্নাংশৰে পুনৰ পানী সোমাই আহি বৃহত্তৰ অঞ্চলটোত পুনৰ বানৰ সৃষ্টি কৰিব । ইয়াৰ উপৰি বেদখল, অবৈধ খননৰ কবলত পৰা গড়টো এনেদৰে নিশ্চিহ্ন হৈ যাব বুলিও খেদ প্ৰকাশ কৰে ৰাইজে ।
গতিকে ঐতিহাসিক গড়টোৰ ৰক্ষণাবেক্ষণ আৰু বৃহত্তৰ অঞ্চলটোৰ বানপানীৰ পৰা সুৰক্ষাৰ খাতিৰত গড়টোৰ মেৰামতিৰ দাবী জনাইছে স্থানীয় ৰাইজে । উল্লেখ্য যে ১১৪২ খ্ৰীষ্টাব্দত অসমীয়াৰ গৌৰৱোজ্জল ইতিহাসৰ সম্পদ হিচাপে চিহ্নিত আৰিমত্ত গড়টো ৰজা আৰিমত্তই ৰাজ্য ৰক্ষাৰ নিমিত্তে নিৰ্মাণ কৰিছিল (kingdom of Arimatta) ।
গড়টোৰ পৰিসীমাৰ ভিতৰত থকা বাৰখন ৰাজহ গাঁৱৰ মুঠ মাটিকালিৰ পৰিমাণ ২৮,৯৬০ বিঘা, ৯ কঠা, ১৬ লেচা । বিভিন্ন জনগোষ্ঠীৰ বসতিস্থল আৰিমত্ত গড়ৰ এলেকাজুৰি । জনগাঁথনিও বৈচিত্ৰ্যপূৰ্ণ । হিন্দু, মুছলিম, অসমীয়া, বড়ো, কছাৰী, নেপালী, কলিতা, ব্ৰাহ্মণ, শূদ্ৰ, বৈশ্য, কোছ ৰাজবংশী সকলো জাতি-জনগোষ্ঠী, ভাষা-বৰ্ণৰ মানুহৰ মিলন ভূমি আৰিমত্ত গড়ৰ এলেকাজুৰি । যদিহে চৰকাৰে সোনকালে গড়টো পুণৰ নিৰ্মাণৰ ব্যৱস্থা গ্ৰহণ নকৰে তেতিয়াহ'লে হয়তো কালৰ গৰাহত চিৰদিনৰ বাবে হেৰাই যাব ঐতিহাসিক আৰিমত্ত গড়টো ।
লগতে পঢ়ক :Morigaon Medical College : মৰিগাঁও মেডিকেল কলেজৰ আধাৰশিলা স্থাপন মুখ্যমন্ত্ৰীৰ
