ৰঙিয়া, 27 ডিচেম্বৰ : ৰাজ্যত অব্যাহত আছে ড্ৰাগছ বিৰোধী অভিযান (Anti Drugs Mission) ৷ শুকুৰবাৰে ৰঙিয়া আৰক্ষীয়ে ড্ৰাগছ বিচাৰি অভিযান চলাই নুৰুদ্দিন পথত ৷ এই অভিযানত এটা সৰবৰাহকাৰীক আটক কৰা (Drugs Peddler Arrested by Rangia Police) হয় ৷ সৰবৰাহকাৰীটোৰ লগত মজুত থকা ড্ৰাগছ ভৰ্তি কণ্টেইনাৰো জব্দ কৰে আৰক্ষীয়ে ৷
এক গোপন সূত্ৰৰ পৰা লাভ কৰা তথ্যৰ পম খেদি ৰঙিয়া আৰক্ষীয়ে এই অভিযান চলায় ৷ আৰক্ষীয়ে মিথুন নামৰ ড্ৰাগছ সৰবৰাহকাৰীটোৰ পৰা 7.52 গ্ৰাম ওজনৰ 5 টাকৈ ড্ৰাগছৰ কণ্টেইনাৰ জব্দ কৰে । দীৰ্ঘদিনে ড্ৰাগছ সৰবৰাহকাৰীটোৱে আব্দুল কাদিৰ নামেৰে ৰঙিয়াৰ এটা ভাড়াঘৰত বাস কৰি আহিছিল ৷
উল্লেখ্য যে, বিগত মে' মাহৰ 14 তাৰিখে ড্ৰাগছ সৰবৰাহ কৰি থকা অৱস্থাত ৰঙিয়া আৰক্ষীৰ হাতত গ্ৰেপ্তাৰ হৈছিল মিথুন । তাৰ পিছত জামিন লাভ কৰিয়ে পুনৰ এই ব্যৱসায়ত লিপ্ত হৈছিল । ইতিমধ্যে ৰঙিয়া আৰক্ষীয়ে এইক্ষেত্ৰত তদন্ত অব্যাহত ৰাখিছে ।
লগতে পঢ়ক : Illigal Liquor Seized : কলিয়াবৰত বিলাতী সুৰাৰ বিৰুদ্ধে অভিযান
