কামৰূপ, 5 ফেব্ৰুৱাৰীঃ লুৰিণজ্যোতি গগৈৰ বিতৰ্কক লৈ প্ৰতিক্ৰিয়া প্ৰকাশ সদৌ অসম ছাত্ৰ সন্থাৰ সভাপতি দীপাংক কুমাৰ নাথ আৰু অসম জাতীয়তাবাদী যুৱ ছাত্ৰ পৰিষদৰ পলাশ চাংমাইৰ । বিগত কেইদিনমাম ধৰি চলি থকা আছুৰ সম্পাদক লুৰিণজ্যোতি গগৈৰ এটি বক্তব্যক লৈ যি বিতৰ্কৰ সুত্ৰপাত হৈ আছে সেই বিষয়ে মন্তব্য প্ৰদান কে আছুৰ সভাপতি দীপাংক কুমাৰ নাথে ।
অসমৰ জাতীয় জীৱনত সংকট জাঁপি দিয়া চৰকাৰখনৰ মুখ্যমন্ত্ৰীৰ লগতে কোনো এজন নেতা পালি-নেতাক লুৰিণজ্যোতি গগৈয়ে শংকৰ সংঘৰ অধিৱেশনত নিমন্ত্ৰণ নজনাবলৈ আহ্বান জনোৱা বুলি মত প্ৰকাশ কৰে আছুৰ সভাপতি দীপাংক কুমাৰ নাথে । CAA বিৰোধী এই আন্দোলনটো সীমিত কৰিবলৈ লুৰিণজ্যোতি গগৈৰ বক্তব্যক বিপথে পৰিচালিত কৰিছে বুলিও উল্লেখ কৰে সভাপতিগৰাকীয়ে । লগতে এই কথা কোনোপধ্যেই গ্ৰহণযোগ্য নহয় বুলিও উল্লেখ কৰে । ইয়াৰোপৰি তেওঁ কয় জাতি এতিয়া সংকটত পৰিছে আৰু জাতি ৰক্ষাৰ স্বাৰ্থতে শংকৰ সংঘৰ জন্ম হৈছে ।
আনহাতে, লুৰিণজ্যোতি গগৈয়ে শংকৰ সংঘৰ অধিবেশনত ৰজাঘৰীয়াৰ লোকসকলক নিমন্ত্ৰণ জনোৱা বিষয়টোক লৈ বিতৰ্ক হোৱাত গুৰুজনাৰ আদৰ্শৰ পৰিপন্থী হ’লে বিৰোধিতা হ'বই বুলি মন্তব্য কৰে পলাশ চাংমাই ।
আৰু পঢ়কঃএইবাৰ NIA ৰ টাৰ্গেটত কটনৰ ছাত্ৰ নেতা
