বকো, 15 এপ্ৰিল : বকোৰ ২নং মাকেলীত বৃহস্পতিবাৰে এজন যুৱকৰ মৃতদেহ উদ্ধাৰ হয় । মৃত যুৱকজন ২নং মাকেলীৰ বিশ্বজিৎ বিশ্বাস (৩০) বুলি জানিব পৰা হৈছে । বুধবাৰে সন্ধিয়া বকোৰ ছমৰীয়াস্থিত নিজৰ ব্যৱসায়িক প্ৰতিষ্ঠানখন বন্ধ কৰি আহি থকাৰ সময়তে সন্ধানহীন হয় যুৱকজন । পুৱা আত্মীয় সন্ধান চলাই শিংৰা নৈৰ সুঁতিত উদ্ধাৰ কৰে বিশ্বজিতৰ মৃতদেহ ।
বকোত যুৱকৰ মৃতদেহ উদ্ধাৰ
বিশ্বজিতৰ মৃতদেহ উদ্ধাৰৰ পাচতেই তীব্ৰ চাঞ্চল্য সৃষ্টি হয় । যুৱকজনক নিৰ্মমভাৱে হত্যা কৰাৰ অভিযোগ উঠিছে । মুখমণ্ডলত বহুকেইটা আঘাতৰ চিন স্পষ্ট । এখন কাণ কাটি দিয়া হৈছে । বিশ্বজিতৰেই তিনি বন্ধুয়ে হত্যাৰ কৰাৰ সন্দেহ কৰা হৈছে । তিনি বন্ধুৰ সৈতে নিশা পাৰ্টি কৰিছিল বিশ্বজিৎ বিশ্বাসে । ছমৰীয়া আৰক্ষী চকীৰ চালকৰ নামো সাঙোৰ খাইছে ঘটনাত ।
লগতে পঢ়ক : বৰপেটা সত্ৰৰ বৰ্ষফল গণনা অনুসৰি পুনৰ মুখ্যমন্ত্ৰী আসনত বহিব সোণোৱাল
