ৰঙিয়া, 24 এপ্ৰিল : কৰ’ণাৰ দ্বিতীয়টো ঢৌত দেশৰ অন্যান্য প্ৰান্তৰ লগতে অসমতো প্ৰতিদিনে ক্ৰমাৎ বৃদ্ধি পাইছে আক্ৰান্তৰ সংখ্যা ৷ এনে পৰিপেক্ষিতত ৰাজ্যৰ সকলোতে কৰ’ণা প্ৰতিষেধক গ্ৰহণৰ বাবে জনসাধাৰণে লগাইছে হেতা-ওপৰা ৷ ৰঙিয়াৰ মহকুমা অসামৰিক চিকিৎসালয়ৰ চৌহদত স্থাপন হোৱা ভেকচিন চেণ্টাৰতো দেখা গ’ল কৰ’ণা প্ৰতিষেধক ল’বলৈ ৰাইজৰ ভিৰ ৷ কোনো ধৰণৰ ক’ভিড নীতি আৰু সামাজিক দূৰত্ব মানি নচলাৰ ফলত চেন্টাৰটোত সৃষ্টি হৈছে অৰাজকতাৰ ৷ তাৰোপৰি অনলাইন বুকিং থকাৰ পিছতো বহুলোকে প্ৰতিষেধক নোপোৱাৰ অভিযোগ উত্থাপন কৰিছে ।
আনহাতে বহু লোকে পুৱা পাঁচ বজাৰ পৰা শাৰী পাতি থকাৰ পিছতো নাম পঞ্জীয়ন কৰিবলৈ সক্ষম নোহোৱাৰ লগতে পঞ্জীয়ন হোৱা সকলৰ বহুতেই কৰ’ণা প্ৰতিষেধক ল’ব নোৱাৰাৰ অভিযোগ উত্থাপন কৰিছে বহুলোকে ৷
উল্লেখ্য যে, কেন্দ্ৰটোত ক'ভিডৰ প্ৰাথমিক নীতি-নিয়ম যেনে সামাজিক দুৰত্বৰ লগতে মাস্ক পৰিধান নকৰাৰ অভিযোগ একাংশ । তাৰোপৰি অন্য একাংশৰ মতে, কৰ’ণা প্ৰতিষেধক ল’বলৈ যোৱা লোকসকলৰ মাজৰে কোনো ক’ভিড আক্ৰান্তৰ পৰাও ৰোগবিধৰ সংক্ৰমণ হোৱাৰ থল আছে ।
লগতে পঢ়ক : ক’ভিডত আক্ৰান্ত হৈ মৃত্যু বিহুৱতী ডলী গগৈৰ
