হাজো, 10 ছেপ্টেম্বৰঃবিগত চাৰি বছৰে নিৰুদ্দেশ হৈ আছে হাজোৰ বৰদামপুৰৰ আবু ইফটিকাৰ নামৰ এজন যুৱক৷ শৈক্ষিক অৰ্হতাৰ নথিসহ গুৱাহাটীলৈ চাকৰি বিচাৰি ওলাই গৈছিল যুৱকজন৷
চাৰি বছৰে নিৰুদ্দেশ হাজোৰ এজন যুৱক
গুৱাহাটীলৈ চাকৰি বিচাৰি যোৱা দিনাৰ পৰাই সন্ধানহীন হৈ পৰে যুৱকজন ৷ পৰিয়ালৰ লোকে বহু বিচাৰ-খোচাৰ কৰাৰ পাচতো আজি পৰ্যন্ত কোনো সন্ধান বিচাৰি ওলিয়াবলৈ সক্ষম হোৱা নাই৷ অভিযোগ অনুসৰি ঘটনা সন্দৰ্ভত তেওঁলোকে হাজো আৰক্ষী থানাত এজাহাৰ দাখিল কৰিছে যদিও আৰক্ষীয়েও তেওঁলোকৰ পুত্ৰৰ সম্ভেদ বিচাৰি উলিয়াবলৈ ব্যৰ্থ হৈছে৷ কোনো ব্যক্তিয়ে যদি নিৰুদ্দেশ ইফটিকাৰৰ কোনো সম্ভেদ লাভ কৰে তেন্তে 8403904901 নম্বৰত যোগাযোগ কৰিবলৈ যুৱক জনৰ পিতৃ-মাতৃয়ে আহ্বান জনায় ৷
