শুৱালকুচি, 25 এপ্ৰিলঃ ৰোগীৰ প্ৰাণক লৈ হেতালি একাংশৰ ৷ শুৱালকুচি আয়ুস OPD চেণ্টাৰৰ গৃহ নিৰ্মাণত ভয়ঙ্কৰ বিসংগতি থকাৰ সন্দেহ ৰাইজৰ ৷ বৃহস্পতিবাৰে শুৱালকুছিৰ আয়ুস OPD চেণ্টাৰত হঠাতে খহি পৰিল নৱ নিৰ্মিত গৃহৰ চিলিং৷ উক্ত ঘটনাত কথমপিহে প্ৰাণ ৰক্ষা কৰে কৰ্তব্যৰত নাৰ্ছ আৰু আশা কৰ্মীৰ ৷
আৰু পঢ়ক ডবকাত ভয়ংকৰ দুৰ্ঘটনা
মহাত্মা গান্ধী 30 খন বিছনাযুক্ত গ্ৰাম্য চিকিৎসালয়ৰ অন্তৰ্গত আয়ুস OPD চেণ্টাৰটোত সংঘটিত এই ঘটনাক লৈ প্ৰতিক্ৰিয়া ব্যক্ত কৰিছে সচেতন মহলে ৷ উল্লেখ্য যে, নতুনকৈ নিৰ্মাণ কৰা এই OPD চেণ্টাৰটোৰ নামত অহা ধন ইতিমধ্যে ঠিকাদাৰে জেপত ভৰোৱাৰো অভিযোগ উত্থাপন কৰিছে একাংশ ৰাইজে ৷ সেয়ে নিম্ন মানৰ সামগ্ৰীৰে গৃহ নিৰ্মাণ কৰাৰ ফলত এনে ঘটনা সংঘটিত বুলি প্ৰকাশ কৰে একাংশই ৷
