বাইহাটা, 15মে’: কামৰূপ জিলাত নিয়ন্ত্ৰণত আছে ক’ভিড-19ৰ সংক্ৰমণ ৷ জিলাখনত পৰ্যাপ্ত পৰিমাণে আছে অক্সিজেন, ৰেমডিচিভিৰ আৰু অত্যাৱশ্যকীয় সামগ্ৰী ৷ শনিবাৰে আমিনগাঁৱৰ কামৰূপ জিলাৰ উপায়ুক্ত কাৰ্যালয়ত এই মন্তব্য কৰে ৰাজ্যৰ উদ্যোগ মন্ত্ৰী চন্দ্ৰমোহন পাটোৱাৰীয়ে ৷
সান্ধ্য আইনৰ সময়ত অত্যাৱশ্যকীয় সামগ্ৰী উৎপাদনৰ উদ্যোগৰ বাহিৰে সকলো উদ্যোগ বন্ধ ৰখাৰ আহ্বান পাটোৱাৰীৰ ৷ ইয়াৰ লগতে আন কেতবোৰ গুৰুত্বপূৰ্ণ মন্তব্য কৰে মন্ত্ৰী গৰাকীয়ে ৷
সেই অনুসৰি ক’ৰণাৰ ভয়াৱহতা কিছু হ্ৰাস পালেই লুইতৰ বুকুত কেইবাখনো অত্যাধুনিক জাহাজ চলিব বুলি ঘোযণা উদ্যোগমন্ত্ৰীৰ । গুৱাহাটী-উত্তৰ গুৱাহাটীৰ মাজতো ব্ৰহ্মপুত্ৰৰ বুকুত চলিব অত্যাধুনিক জাহাজ ।
একেদৰে আলফাই যুদ্ধ বিৰতি ঘোষণা কৰা সিদ্ধান্তকো আদৰণি জনায় পৰিবহন মন্ত্ৰী গৰাকীয়ে । উপায়ুক্ত কৈলাশ কাৰ্তিকে আঁতধৰা সভাত বিধায়িকা নন্দিতা দাস, সুমন হৰিপ্ৰিয়া , বিধায়ক ৰেকিবুদ্দিন আহমেদ, দিগন্ত কলিতা, হেমাংগ ঠাকুৰীয়া উপস্থিত হৈ বৈঠকত উপস্থিত থাকে ৷
লগতে পঢ়কঃ ডিফুত দিন-দুপৰতে ব্যৱসায়ীক গুলীয়াই হত্যা
