গুৱাহাটী, 14 মে’ : মহানগৰীত কৃত্ৰিম বানৰ সংহাৰ । এজাক বৰষুণতে উটি গ’ল মহানগৰীৰ অভিজাত্য (Artificial flood in Guwahati)। পুৱাৰে পৰা অহা মুষলধাৰ বৰষুণত মহানগৰীৰ বিভিন্ন স্থানত সৃষ্টি হৈছে কৃত্ৰিম বানৰ (Guwahati Flood News) ।
মহানগৰীৰ হাতীগাঁও, চানমাৰি ভঙাগড়, লাখটকীয়া, অনিল নগৰ, নবীন নগৰ, ৰাজগড় আদিকে ধৰি বিভিন্ন স্থান এতিয়া পানীৰ । ফলত বিভিন্ন সমস্যাৰ সন্মুখীন হৈছে মহানগৰবাসী । মহানগৰীৰ বাসিন্দাসকল তথা ছাত্ৰ-ছাত্ৰীসকলে বিপদ সংকুলভাৱে যাবলগীয়া হৈছে নিজ নিজ গন্তব্য স্থানলৈ ।
কেৱল শনিবাৰেই নহয়, শুক্ৰবাৰেও পুৱাৰ ভাগত অহা বৰষুণজাকত মহানগৰীত সৃষ্টি হৈছিল কৃত্ৰিম বানৰ । অৱশ্যে কৃত্ৰিম বান মহানগৰীৰ এক দীৰ্ঘ দিনীয়া সমস্যা । চৰকাৰ আহে আৰু যায় ৷ কিন্তু মহানগৰবাসীৰহে কৃত্ৰিম বানৰ সমস্যা সমাধান হোৱা নাই । নিৰ্বাচনৰ পূৰ্বে সকলোৱে মহানগৰীৰ কৃত্ৰিম বানৰ সমস্যা সমাধান কৰিব বুলি প্ৰতিশ্ৰুতি দিয়ে ।
লগতে পঢ়ক : Guwahati Civic Issues : এশ এবুৰি সমস্যাৰ মাজত গুৱাহাটী মহানগৰবাসী
কিন্তু নিৰ্বাচনৰ পিছত সকলো প্ৰতিশ্ৰুতি উঠে ধোঁৱা চাঙত ৷ তদুপৰি জি এম চিয়ে বিজ্ঞান সন্মতভাৱে নলা নৰ্দমা নিষ্কাষণ নকৰাৰ বাবেও কৃত্ৰিম বানৰ সৃষ্টি হৈছে বুলি অভিযোগৰ আঙুলিটোৱাইছে মহানগৰবাসীয়ে (Artificial flood problem in Guwahati) । সকলোৰে এটাই প্ৰশ্ন, কেতিয়া সমাধান হ’ব এই সমস্যা ?
আনহাতে, এই সন্দৰ্ভত মহানগৰ উন্নয়ন বিভাগৰ মন্ত্ৰী অশোক সিংঘালে কয়, ‘‘মহানগৰীৰ কৃত্ৰিম বানৰ সমস্যা তিনি বছৰৰ ভিতৰত সমাধন হ’ব ৷ চৰকাৰে তিনি বছৰৰ ভিতৰত কৃত্ৰিম বানৰ সমস্যা সমাধান কৰিবলৈ পৰিকল্পা লৈছে । তাৰে এবছৰ গ’ল আৰু দুবছৰৰ ভিতৰত গুৱাহাটীৰ কৃত্ৰিম বানৰ সমস্যা কিছু পৰিমাণে হ’লেও সমাধান কৰিব পাৰিম । কিয়নো 100 শতাংশ গুৱাহাটীৰ কৃত্ৰিম বান সমাধান কৰোতো অসম্ভৱ’’ ৷
লগতে পঢ়ক : পানীৰ তলত ডুব গ'ল স্মাৰ্ট মহানগৰখন
