গুৱাহাটী, 1 জুন : দীঘলীয়া লক ডাউন সমাপ্তিৰ পিছত পৰ্যায়ক্ৰমে আৰম্ভ হৈছে আনল'ক । ভাৰত চৰকাৰে ইতিমধ্যে আনল'ক ১ ঘোষণা কৰাৰ পিছত সোমবাৰে ৰাজ্য চৰকাৰৰ ফালৰ পৰাও প্ৰকাশ কৰা হয় নতুন নীতি নিৰ্দেশনা ।
জনতা ভৱনৰ বিষয়া কৰ্মচাৰীৰ বাবে সচিবালয় প্ৰশাসন বিভাগে আজি জাৰি কৰিছে আনল'ক ১ ৰ নিৰ্দেশনা । নিৰ্দেশনা অনুসৰি,
- ১ জুনৰ পৰা ৩০ জুনলৈকে সচিবালয়ৰ সকলো কৰ্মচাৰী সপ্তাহটোৰ প্ৰতিটো দিনেই কাৰ্যালয়লৈ আহিব লাগিব ।
- পাঁচ বছৰ বয়সৰ তলৰ সন্তান থকা মহিলা বা গৰ্ভৱতী মহিলাই ঘৰৰ পৰাই কাম কৰিবলৈ নিৰ্দেশ দিয়া হৈছে ৷
- সকলো কৰ্মচাৰীয়ে কভিড-19 ৰ সকলো নীতি-নিৰ্দেশনা মানি চলিব লাগিব ৷ আনল'ক ১ঃ ৰাজ্য চৰকাৰৰ নতুন নীতি নিৰ্দেশনা ঘোষণা
ইফালে, আনল'ক ১ৰ বাবে ৰাজ্যজুৰি সকলো লোকে মানি চলিব লগীয়া নতুন নীতি নিৰ্দেশনা আজি জাৰি কৰিছে দুৰ্যোগ ব্যৱস্থাপনা বিভাগে । সেই নিৰ্দেশনা অনুসৰি,
- ৮ জুনৰ পৰা ৰাজ্যৰ সকলো ধৰ্মীয় অনুষ্ঠানত একেলগে ২০ জনতকৈ অধিক লোক সমবেত হ'ব নোৱাৰিব ।
- ধৰ্মীয় স্থানসমূহত দৰ্শনাৰ্থীৰ প্ৰৱেশৰ সময়ত কাগজৰ টোকেন ব্যৱহাৰ কৰিব লাগিব ৷
- হোটেল,ৰেষ্টুৰেন্ট আদিত একে সময়ত ৫০ শতাংশ গ্ৰাহকহে প্ৰৱেশ কৰিব পাৰিব ৷
- স্ব'পিং ম'ল সমূহে সামাজিক দুৰত্বৰ বিধান মানি চলিব লাগিব ।
- চিনেমা আদিৰ শ্বুটিংৰ ক্ষেত্ৰত সামাজিক দুৰত্ব মানি চলিব লাগিব ।
- যোগ,ব্যায়াম আদিৰ ক্ষেত্ৰতো ৰাজহুৱা স্থান সমূহত সামাজিক দূৰত্ব ৰক্ষা কৰিব লাগিব ।
- চেলুন,বিউটি পাৰ্লাৰ আদি খুলিব পাৰিব যদিও সামাজিক দূৰত্ব মানি চলাৰ লগতে মাস্ক, গ্ল'ভছ আদি পৰিধান কৰাটো বাধ্যতামূলক ৷
লগতে পঢ়ক : ৬ জুনত ঘোষণা কৰিব হাইস্কুল শিক্ষান্ত আৰু হাই মাদ্ৰাছা পৰীক্ষাৰ ফলাফল
