গুৱাহাটী, ৪ জুন: মহানগৰীৰ পূৱ শৰণীয়াৰ মমতা ৱেলনেচ(Mamta Wellness Rehabilitation) নামৰ নিচামুক্তি কেন্দ্ৰত পিংকু নাথ নামৰ এজন যুৱকক হত্যা কৰাৰ অভিযোগত কেন্দ্ৰটোৰ দুজন যুৱকক গ্ৰেপ্তাৰ কৰা হৈছে । ধৃত যুৱক দুজন হৈছে নাৰেংগীৰ ভাৰ্গৱ দলে(২৭) আৰু যোৰহাটৰ মাধুৰ্য শৰ্মা(৩০)। ধৃত যুৱকদ্বয়ক আৰক্ষীয়ে শনিবাৰে আদালতত হাজিৰ কৰায় ।
উল্লেখ্য যে, যোৱা ৩০ মে’ত যুৱকজনক ভৰ্তি কৰোৱা হৈছিল নিচামুক্তি কেন্দ্ৰটোত । কিন্তু ৰহস্যজনকভাৱে শুকুৰবাৰে পুৱা সংকটজনক অৱস্থাত যুৱকজনক চিকিৎসালয়ত ভৰ্তি কৰোৱাৰ পাছত পৰিয়ালৰ খবৰ দিয়া হয় । চিকিৎসাধীন অৱস্থাত মৃত্যু হোৱা পিংকুৰ দেহত আঘাতৰ চিন স্পষ্ট হোৱাৰ লগতে এখন হাত ভগা দেখা যায় । ইয়াৰা পাছতে যুৱকজনক কেন্দ্ৰটোত মাৰপিট কৰি হত্যা কৰাৰ অভিযোগ উত্থাপন কৰে পৰিয়ালৰ লোকে । ঘটনা সন্দৰ্ভত চানমাৰী আৰক্ষী থানাত(Chandmari Police Station) মমতা ৱেলনেচ নামৰ নিচামুক্তি কেন্দ্ৰটোৰ বিৰুদ্ধে পৰিয়ালৰ লোকে এজাহাৰ দাখিল কৰে ।
পৰিয়ালৰ লোকৰ এজাহাৰৰ ভিত্তিত আৰক্ষীয়ে ভাৰতীয় দণ্ড বিধি আইনৰ ৩০২/৩৪ ধাৰাৰ অধীনত ২৪৮/২২ নম্বৰত এটা গোচৰ ৰুজু কৰি ভাৰ্গৱ দলে আৰু মাধুৰ্য শৰ্মাক গ্ৰেপ্তাৰ কৰে । উল্লেখ্য যে, ধৃত যুৱকদ্বয় কেন্দ্ৰটোৰ কৰ্মচাৰী ৷
লগতে পঢ়ক: কাৰাগাৰলৈ প্ৰৰণ কৰা হ’ল SI জোনমণি ৰাভাক
