জালুকবাৰীত নিয়ন্ত্ৰণ হেৰুৱাই ৰাজপথত বাগৰি পৰিল ট্ৰাক

আজাৰাৰ পৰা মিঠাতেল লৈ শিলচৰ অভিমুখে গৈ আছিল ট্ৰাক খন ।

জালুকবাৰী, 01 জুলাই : মহানগৰীৰ জালুকবাৰীত দেওবাৰে নিশা এক পথ দুৰ্ঘটনা সংঘটিত হয়। আজাৰাৰ পৰা মিঠাতেল লৈ শিলচৰ অভিমুখে গৈ থকা এখন ট্ৰাকে নিয়ন্ত্ৰণ হেৰুৱাই ৰাজপথতে বাগৰি পৰে। দুৰ্ঘটনাগ্ৰস্ত মিঠাতেল ভৰ্তি ট্ৰাক খনৰ নম্বৰ AS-০১KC-০৪২৭ ।

অৱশ্যে দুৰ্ঘটনাত কোনো লোক হতাহত হোৱা নাই বুলি জানিব পৰা গৈছে । পৰৱৰ্তী সময়ত ঘটনাস্থলীত জালুকবাৰী যানবাহন আৰক্ষী উপস্থিত হৈ ট্ৰাকখন উদ্ধাৰ কৰে ।