1 বজাৰ শীৰ্ষ 10 টা বাতৰি

1 বজাৰ শীৰ্ষ 10 টা বাতৰি

প্ৰতি বছৰে ৯ আগষ্টত বিশ্বজুৰি আদিবাসী দিৱস(WORLD INDIGENOUS DAY) পালন কৰা হয় । বিশ্বৰ বিভিন্ন জনজাতীয় লোকসকলৰ বিষয়ে সজাগতা সৃষ্টি কৰিবলৈ আৰু তেওঁলোকৰ অধিকাৰ সুৰক্ষিত কৰিবলৈ প্ৰতি বছৰে এই দিৱস উদযাপন কৰা হয় ।

১৯৪৫ চনৰ পাৰমাণৱিক বোমা বিস্ফোৰণৰ ভুক্তভোগীসকললৈ শ্ৰদ্ধাঞ্জলি ৷ সোমবাৰে নাগাচাকিয়ে উক্ত বোমা বিস্ফোৰণত প্ৰাণ হেৰুওৱাসকলক শ্ৰদ্ধাঞ্জলি জ্ঞাপন কৰিব ৷ শ্ৰদ্ধাঞ্জলি অনুষ্ঠানত 189,163 জন ভুক্তভোগীৰ নাম সন্নিৱিষ্ট এটা স্মাৰক স্থাপন কৰা হ'ব ৷

2022ৰ উত্তৰ প্ৰদেশ নিৰ্বাচনৰ(UP election 2022) বাবে কংগ্ৰেছে ইতিমধ্যে আৰম্ভ কৰিছে নিৰ্বাচনী প্ৰস্তুতি ৷ বিজেপিক পৰাভূত কৰাৰ উদ্দেশ্যে এতিয়াৰে পৰা দলটোৰ বিৰুদ্ধে সৰৱ হৈ পৰিছে কংগ্ৰেছ ৷ সেই অনুসৰি বৰ্ধিত মুদ্ৰাস্ফিতী, নিবনুৱা সমস্যা, কৃষকৰ দুৰ্দশা আৰু আইন-শৃংখলাৰ অৱনতি আদি বিষয়সমূহক লৈ বিজেপি চৰকাৰৰ বিৰুদ্ধে পদযাত্ৰা কৰিবলৈ সাজু হৈছে কংগ্ৰেছ ৷

উপ নিৰ্বাচনক কেন্দ্ৰ কৰি সম্প্ৰতি গৰম হৈ পৰিছে বিটিআৰৰ বতাহ ৷ এনে সময়তে বিপিএফৰ মুৰব্বী হাগ্ৰামা মহিলাৰীয়ে বিজেপিৰ সৈতে মিত্ৰতা আৰু অসমৰ মুখ্যমন্ত্ৰী ড৹ হিমন্ত বিশ্ব শৰ্মাৰ সতে গোপন বৈঠকত মিলিত হোৱা বুলি সৰৱ চৰ্চা চলিছে ৷ বিটিআৰৰ উপ মুখ্য কাৰ্যবাহী সদস্য গোবিন্দ বসুমতাৰীয়ে এই সন্দৰ্ভত দেওবাৰে চিৰাং জিলাত দলীয় স্থিতি ব্যক্ত কৰে ৷

ৰাজ্য চৰকাৰে বহিঃৰাজ্য়ৰ পৰা চাহ আনি অসমত বিক্ৰী কৰাৰ বাবে অসমৰ উৎপাদিত চাহৰ বজাৰ নিম্নগামী হৈছে ৷ যাৰ ফলস্বৰূপে অসমত কেঁচা চাহপাতৰ দাম হ্ৰাস পাবলৈ ধৰিছে বুলি মন্তব্য কৰে পৰিচালকগৰাকীয়ে ৷ সম্প্ৰতি অসমত কেঁচা চাহপাতৰ দাম হ্ৰাস পোৱাত শংকিত হৈছে ক্ষুদ্ৰ চাহ খেতিয়ক (Small Tea Traders)সকল ।

কংগ্ৰেছ (Congress) দলৰ লগ লাগিব ৰাইজৰ দল (Raijor Dal) ৷ দেওবাৰে দ্বিতীয় লানি আলোচনাৰ অন্তত এই কথা স্পষ্ট কৰে দুয়োটা দলৰ নেতৃত্বই । কিন্তু AIUDFক বাদ দিয়া সন্দৰ্ভত স্থিতি স্পষ্ট কৰা নাই কংগ্ৰেছ নেতৃত্বই । ইফালে কংগ্ৰেছ মহাজোঁটত চামিল হোৱাত ৰাইজৰ দলৰ আপত্তি নাই যদিও AIUDF ৰ আপত্তি আছে বুলি ৰাইজৰ দলৰ সভাপতি তথা শিৱসাগৰৰ বিধায়ক অখিল গগৈ (Akhil Gogoi)য়ে সদৰী কৰে ৷

প্ৰতিজ্ঞাৰ ঠাকুৰ সজ্জন সিং আৰু নাই ৷ দেওবাৰে নিশা মুম্বাইৰ লাইফ লাইন হাস্পতালত বাৰ্ধক্যজনিত কাৰণত অভিনেতাগৰাকীৰ মৃত্যু ঘটে ৷

দুৰ্নীতিৰ কৰাল গ্ৰাসত জলেশ্বৰ সমষ্টিৰ চিৰাকুটি গাঁও পঞ্চায়ত । চতুৰ্দশ বিত্তীয় আয়োগৰ অধীনত কালভাৰ্ট নিৰ্মাণৰ নামত ব্যাপক দুৰ্নীতি সংঘটিত হোৱাৰ অভিযোগ উত্থাপন স্থানীয় ৰাইজৰ ।

ডিফু চিকিৎসা মহাবিদ্যালয়ৰ কৰ্মহীন হৈ পৰা ঠিকাভিত্তিক কৰ্মচাৰীৰ সংবাদমেল সম্বোধন ৷ চাকৰিৰ নিয়মীয়াকৰণ নকৰিলে অনশনত বহাৰ হুংকাৰ প্ৰদান ভুক্তভোগীৰ ৷

জাপানৰ টকিঅ'ত অনুষ্ঠিত হোৱা অলিম্পিকত ব্ৰঞ্জৰ পদক অৰ্জন কৰি সমগ্ৰ দেশৰ লগতে অসমলৈ গৌৰৱ কঢ়িয়াই অনা লাভলীনা বৰগোঁহাইৰ বাসগৃহত উপস্থিত জিলা উপায়ুক্ত সহ প্ৰশাসনৰ এটি দল ৷ লাভলীনাৰ পিতৃ-মাতৃক সম্বৰ্ধনা জ্ঞাপন কৰে দলটোৱে ৷