3 বজাৰ শীৰ্ষ 10 বাতৰি

3 বজাৰ শীৰ্ষ 10 বাতৰি

ৰাজ্যৰ ভিন্ন প্ৰান্তৰ লেখীয়াকৈ নলবাৰীতো চলিল ভূ-মাফিয়াৰ বিৰুদ্ধে অভিযান ৷ সোমবাৰে নিশা জিলাখনৰ ভিন্ন প্ৰান্তৰ পৰা আৰক্ষীয়ে কৰায়ত্ত কৰিলে এই অবৈধ কাৰ্যত জড়িত এজনৰ পিছত সিজন লোকক ৷ আৰক্ষীয়ে প্ৰায় 100 জনীয়া ভূ-মাফিয়াৰ তালিকা প্ৰস্তুত কৰি আৰম্ভ কৰে অভিযানটো ৷ এশজনীয়া তালিকাখনৰ প্ৰায় দহগৰাকী ভিন্ন পেছাৰ ব্যক্তি ধৰা পৰে আৰক্ষীৰ হাতত ৷

তৎপৰতা বাঢ়িছে অসম আৰক্ষীৰ ৷ ড্ৰাগছৰ পাচত আৰক্ষীৰ এইবাৰ শেন চকু মাটিৰ দালালৰ ওপৰত ৷ এটা নিশাতে ৰাজ্যত গ্ৰেপ্তাৰ চাৰিশৰো অধিক মাটিৰ দালালক ৷

মনোনয়ন দাখিলৰ সময়ত প্ৰাক্তন মুখ্যমন্ত্ৰীগৰাকীক সংগ দিয়ে মুখ্যমন্ত্ৰী ড৹ হিমন্ত বিশ্ব শৰ্মা আৰু ৰাজ্যিক বিজেপিৰ সভাপতি ভৱেশ কলিতাই । মিত্ৰদল অগপৰ সভাপতি তথা মন্ত্ৰী অতুল বৰা আৰু ইউ পি পি এলৰ সভাপতি প্ৰমোদ বড়োও উপস্থিত আছিল ।

ড্ৰাগছৰ পিছত এইবাৰ মাটিৰ দালালৰ বিৰুদ্ধে অসম আৰক্ষীয়ে আৰম্ভ কৰিছে অভিযান । মুখ্যমন্ত্ৰী ড৹ হিমন্ত বিশ্ব শৰ্মাই ৰাজহ চক্ৰ বিষয়াৰ কাৰ্যালয়ত দালালৰাজ বন্ধ হোৱাৰ কথা ঘোষণা কৰাৰ পাছতেই অসম আৰক্ষীয়ে তীব্ৰতৰ কৰি তুলিছে এই অভিযান । সোমবাৰে নিশা মাটিৰ দালালৰ বিৰুদ্ধে কামৰূপ জিলাত আৰক্ষীয়ে জোৰদাৰ অভিযান চলায় ।

মহানগৰীত ডাম্পিং গ্ৰাউণ্ড স্থাপন সাম্প্ৰতিক সময়ৰ এক জটিল সমস্যাৰূপে ঠিয় হৈছে ৷ বিগত কিছুদিনৰ পৰিস্থিতি লক্ষ্য কৰিলে মহানগৰীৰ সমীপৰ চন্দ্ৰপুৰত ডাম্পিং গ্ৰাউণ্ড স্থাপনক লৈ প্ৰতিবাদ অব্যাহত থকা দেখা যায় ৷ ইয়াৰ পিছতে আকৌ প্ৰতিবাদ আৰম্ভ হৈছে বৰগাঁৱৰ ডাম্পিং গ্ৰাউণ্ড স্থাপনক কেন্দ্ৰ কৰি ৷

দেওবাৰে ৰাজ্যত অনুষ্ঠিত হৈছিল শিক্ষা বিভাগৰ দুবছৰীয়া ডিপ্ল’মা ডি এল এডৰ পৰীক্ষা ৷ ধেমাজিৰ বাণিজ্য মহাবিদ্যালয়ত ডি এল এডৰ পৰীক্ষা দিবলৈ গৈ আৰক্ষীৰ হাতত আটক হ’বলগীয়া হ’ল পৰীক্ষাৰ্থী ।

দুৰ্গাপূজা সমাগত ৷ কিন্তু এইবাৰ দুৰ্গাপূজাত বন্ধ কৰা হৈছে সাংস্কৃতিক অনুষ্ঠান । যাৰ ফলশ্ৰুতিত এতিয়া বিপাঙত পৰিছে ৰাজ্যৰ পঞ্চল্লিশতা যাত্ৰা দলৰ প্ৰযোজক তথা শিল্পী আৰু কলা-কুশলী ।

নিষিদ্ধ ড্ৰাগছৰ বিৰুদ্ধে অসম আৰক্ষীয়ে ধাৰাবাহিকভাৱে লাভ কৰিছে এটাৰ পাছত আনটো সফলতা ৷ ড্ৰাগছ সৰবৰাহকাৰীয়ে নিতৌ ন ন কৌশল অৱলম্বন কৰি ড্ৰাগছ সৰবৰাহ কৰাৰ চেষ্টা চলাই আহিছে যদিও তেনে প্ৰচেষ্টাক আৰক্ষীয়ে দক্ষতাৰে ব্যৰ্থ কৰি আহিছে ৷

সোমবাৰে নিশা নতুন দিল্লীত কেন্দ্ৰীয় গৃহমন্ত্ৰী অমিত শ্বাহ(Amit Shah)ৰ সৈতে মুখ্যমন্ত্ৰী ড৹ হিমন্ত বিশ্ব শৰ্মা(Himanta Biswa Sarma)ৰ গুৰুত্বপূৰ্ণ বৈঠক । গৃহমন্ত্ৰীৰে আলফা(ULFA)ৰ লগতে আন কেইবাটাও বিষয়ত আলোচনা মুখ্যমন্ত্ৰীৰ । পৰৱৰ্তী সময়ত আলফাৰ সৈতে শান্তি আলোচনাত জড়িত হ’ব পাৰে কেন্দ্ৰ ৷

আলঝেইমাৰ হৈছে এক স্নায়বিক বিকাৰ, য'ত এজন ব্যক্তিয়ে লাহে লাহে হেৰুৱাব ধৰে স্মৃতিশক্তি ৷ ইয়াৰ মাত্ৰা ব্যক্তিৰ শৰীৰত বৃদ্ধি হোৱাৰ পিছত এগৰাকী ব্যক্তিয়ে শৰীৰৰ ভাৰসাম্য হেৰুৱাব ধৰে ৷ যাৰ প্ৰভাৱ পৰিলক্ষিত হয় ব্যক্তিগৰাকীৰ কাম-কাজৰ জৰিয়তে ৷ আলঝেইমাৰ শব্দটো বহুতৰ বাবে পৰিচিত যদিও বেছি সংখ্যকে নাজানে ইয়াৰ বিষয়ে ৷