চাৰি বজাৰ শীৰ্ষ বাতৰিসমূহ.....

চাৰি বজাৰ শীৰ্ষ বাতৰিসমূহ.....

কৰিমগঞ্জৰ অসম ৰাজ্যিক পৰিবহন নিগমৰ ৰাজপথৰ কাষত ব্যৱহাৰ হোৱা পিপিই কীট উদ্ধাৰক কেন্দ্ৰ কৰি আতংকৰ সৃষ্টি হৈছে সমগ্ৰ অঞ্চলটোত ৷ কিয়নো কৰিমগঞ্জত ক্ৰমান্বয়ে বৃদ্ধি পাবলৈ ধৰিছে কৰ'ণা আক্ৰান্ত ৰোগীৰ সংখ্যা ৷

বড়োভূমিৰ পৰা অবড়ো গাঁও কৰ্তন আৰু বড়ো ভূমিত বড়ো গাঁও সন্নিবিষ্ট কৰাৰ লগতে ৰাষ্ট্রীয় নাগৰিকপঞ্জীৰ কাম সম্পূৰ্ণ হোৱাৰ পিছতে সমষ্টি পুনৰ নিৰ্ধাৰণৰ কাম আৰম্ভ কৰাৰ দাবী জনাইছে ব্ৰহ্মপুত্ৰ ভেলী চিভিল ছ'চাইটিয়ে ৷

কোৱাৰেণ্টাইন কেন্দ্ৰ হিচাপে প্ৰস্তুত কৰি তোলা বাক্সা জিলাৰ বৰমা মহাবিদ্যালয় কোৱাৰেণ্টাইন কেন্দ্ৰত কোনো ধৰণৰ সুব্যৱস্থা নথকাৰ অভিযোগ উত্থাপিত হৈছে ৷

পুনৰ বিষাক্ত কাঠফুলা ভক্ষণ কৰি ৰাজ্যত অসুস্থ হৈছে দুজন ব্যক্তি ৷ শিৱসাগৰৰ বকতাত সংঘটিত উক্ত ঘটনাত আক্ৰান্ত দুগৰাকীক ইতিমধ্যে সংকটজনক অৱস্থাত মৰাণৰ সামূহিক স্বাস্থ্য কেন্দ্ৰত ভৰ্তি কৰোৱা হৈছে ৷

লক ডাউনৰ সময়তো ধুবুৰীত ড্ৰাগছৰ ৰমৰমীয়া বেহা । ধুবুৰীৰ বালাজানত বাইকসহ বৃহৎ পৰিমাণৰ ড্ৰাগছ জব্দ ।

বিশ্বনাথত পুনৰ নতুনকৈ ক'ভিড-১৯ত আক্ৰান্ত হৈছে তিনিজন । বৃহস্পতিবাৰে বিশ্বনাথ মহকুমা স্বাস্থ্য বিভাগে প্ৰকাশ কৰিছে এই তথ্য ।

বুধবাৰে শোণিতপুৰ জিলাৰ মিছামাৰীত পথৰ দাঁতিত উদ্ধাৰ হৈছিল এগৰাকী মহিলাৰ মৃতদেহ ৷ ঘটনাৰ 8 ঘণ্টা অতিক্ৰম কৰাৰ পিছতে আৰক্ষীয়ে আটক কৰিবলৈ সক্ষম হৈছে হত্যাকাণ্ডটোত জড়িত অভিযুক্তক ৷ হত্যাকাণ্ড সম্পৰ্কে অভিযুক্তৰ দোষ স্বীকাৰ ৷

বিগত এসপ্তাহ ধৰি সন্ধানহীন হৈ আছে হাজোৰ গোঁসাইখাটৰ গৌতম কলিতা নামৰ এজন লোক ৷ লোকজনৰ নিৰুদ্দেশ সন্দৰ্ভত পৰিয়ালৰ লোকে এজাহাৰ দাখিল কৰিছে যদিও এই পৰ্যন্ত কোনো সন্ধান পোৱা নাই লোকজনৰ ৷

জাজৰিৰ কোৱাৰেণ্টাইন কেন্দ্ৰত এজন ব্যক্তিক মাৰধৰ কৰাক কেন্দ্ৰ কৰি অপ্ৰীতিকৰ পৰিস্থিতিৰ সৃষ্টি হয় বৃহস্পতিবাৰে ৷

১৯৭৩ চনৰ পৰাই ৫ জুনৰ দিনটো ‘বিশ্ব পৰিৱেশ দিৱস’ হিচাপে পালন কৰি অহা হৈছে । মানুহৰ জীৱনত সেউজ আৰু স্বাস্থ্য়সন্মত পৰিৱেশৰ গুৰুত্ব সম্পৰ্কত বিশ্বজুৰি সজাগতা সৃষ্টি কৰা এই দিৱসৰ মূল লক্ষ্য ।