গো-মাংসক কেন্দ্ৰ কৰি উত্তপ্ত কলংপাৰ বজাৰ
বুধবাৰে পুৱাই উত্তপ্ত পৰিস্থিতিৰ সৃষ্টি হয় মহানগৰীৰ নাৰেংগীৰ কলংপাৰ বজাৰত ৷ এজন মাংস ব্যৱসায়ীয়ে গোপনে মুৰ্গী মাংসৰ লগত গো-মাংস বিক্ৰী কৰাৰ কথা পোহৰলৈ অহাত উত্তেজনাপূৰ্ণ পৰিস্থিতিৰ সৃষ্টি হয় বজাৰ খনত ৷ নুনমাটি আৰক্ষীয়ে বজাৰখনত উপস্থিত হৈ নিয়ন্ত্ৰণ কৰে পৰিস্থিতি ৷
ৰঙিয়াৰ ব্ৰীগফিল্ড কলনীত দুৰ্গা পূজাৰ প্ৰস্তুতি
কোভিড প্ৰট’কল মানি এইবাৰ অনুষ্টুপীয়াকৈ পালন কৰা হ’ব দুৰ্গা পূজা ৷ পূজাত অংশগ্ৰহণ কৰিবলগীয়া পুৰোহিত আৰু পূজা কমিটিৰ লোকসকলে কোভিড পৰীক্ষা কৰাৰ পিছতহে অংশগ্ৰহণ কৰিব পাৰিব মণ্ডপস্থলীত ৷ এইবাৰৰ পূজাত বন্ধ থাকিব ভোগ বিতৰণ ৷ এই নিয়ম প্ৰযোজ্য হ’ব ৰঙিয়াৰ 55 বছৰ পুৰণি এখন দুৰ্গা পূজাত ৷
মিজো আৰক্ষীৰ বাধাৰ সন্মুখীন বিধানসভাৰ উপাধ্যক্ষ
আজিও উত্তেজনা অব্যাহত আছে অসম-মিজোৰাম সীমান্তৱৰ্তী লাইলাপুৰত ৷ লাইলাপুৰবাসীৰ মনৰ অৱস্থাৰ বুজ লোৱাৰ লগতে সীমান্ত অঞ্চল পৰিদৰ্শনৰ বাবে উপস্থিত হৈছিল সাংসদ ৰাজদীপ ৰয়ৰ লগতে অসম বিধানসভাৰ উপাধ্যক্ষ আমিনুল হক লস্কৰ ৷ বিধানসভাৰ উপাধ্যক্ষগৰাকীক সীমান্ত পৰিদৰ্শন কৰাৰ সময়ত বাধা প্ৰদান কৰে মিজো আৰক্ষীয়ে ৷
11 বছৰৰ পাচত ৰাজধানী দিল্লীত আটাইতকৈ ঠাণ্ডা দিনৰ ৰেকৰ্ড ভংগ
সময়তকৈ আগতীয়াকৈ ঠাণ্ডা পৰিছে ৰাজধানী দিল্লীত ৷ 20 অক্টোবৰত ন্যূনতম উঞ্চতা 13.7 ডিগ্ৰী ছেলছিয়াছ হয়,যিটো সামান্য ৰূপতকৈ 4 ডিগ্ৰী ছেলছিয়াছ কম ৷
হাবি-জংঘলে আৱৰা এগৰাকী উপায়ুক্তৰ বাসভৱন
কৰিমগঞ্জৰ উপায়ুক্ত আন্বামুথান এম পিৰ চৰকাৰী বাসভৱনটো দীৰ্ঘদিনে আছে পৰিত্যক্ত অৱস্থাত ৷ যাৰ বাবে স্থানীয় ৰাইজে নিজাববীয়াত চাফাই অভিযান চলাই পৰিস্কাৰ কৰে উপায়ুক্তগৰাকীৰ বাসভৱনটো ৷
চলা অভয়াৰণ্যৰ তদাৰকী অনুষ্ঠানৰ দ্বিতীয় প্ৰতিষ্ঠা দিৱস উদযাপন
চলা গ্ৰাম্য অভয়াৰণ্যৰ সংৰক্ষণৰ বাবে গঠন কৰা চলা ভিলেজ চেনছুৱেৰী কনজাৰভেচন ছ’চাইটিৰ দ্বিতীয় প্ৰতিষ্ঠা দিৱস উদযাপন । চাইক্লিং,জাংগল ট্ৰেকিঙৰ লগতে ছাত্ৰ-ছাত্ৰীক উদ্দেশ্যে কৰি ইক’ টুৰিজিমৰ ওপৰত বিশেষ চৰ্চা কৰা হয় উক্ত অনুষ্ঠানত ।
পূৰ্বৰ পৰাজয়ৰ পোটক তোলাৰ লক্ষ্যৰে আজি বেংগালুৰৰ বিৰুদ্ধে কলকাতা
আইপিএলৰ 39 সংখ্যক মেচত আজি মুখামুখি হ'ব কলকাতা নাইট ৰাইডাৰ্ছ আৰু ৰয়েল চেলেঞ্জাৰ্ছ বেংগালুৰ ৷ পূৰ্বৰ পৰাজয়ৰ পোটক তোলাৰ লক্ষ্যৰে আজি বেংগালুৰৰ বিৰুদ্ধে নামিব কলকাতা ৷
বিলুপ্তপ্ৰায় বাদুলীৰ আশ্ৰয়স্থলী হৈ পৰিছে এজোপা জৰী গছ
মৰাণৰ 80 বছৰ পুৰণি এজোপা জৰী গছত বাদুলিৰ আশ্ৰয়স্থল ৷ বহু বছৰ ধৰি অসংখ্য বাদুলীয়ে আশ্ৰয় লৈ আছে এই গছজোপাত ৷ গছজোপা সংৰক্ষণৰ বাবে আহ্বান স্থানীয় ৰাইজৰ ।
মছজিদলৈ ৰূপান্তৰিত মুম্বাইৰ গ্ৰাণ্ট ৰোড বেশ্যালয় ভৱন
মুম্বাইৰ গ্ৰাণ্ট ৰোড এলেকাত থকা বেশ্যালয়টোৰ এতিয়া অন্য এক পৰিচয় ৷ 20 বছৰৰ দীঘলীয়া সংঘৰ্ষৰ অন্তত কাষৰীয়া গ্ৰাণ্ট ৰোড নামৰ এক মছজিদৰ সৈতে সংলগ্ন কৰা হয় বেশ্যালয়টো ৷ ইয়াৰ ফলস্বৰূপে বৃহৎ আকাৰৰ হৈ পৰে গ্ৰাণ্ট ৰোড নামৰ মছজিদটো ৷
2021ত মুক্তি পাব ফাষ্ট এণ্ড ফিউৰিয়াছৰ নতুন সংস্কৰণ ‘F9’
2021 বৰ্ষৰ মে’ মাহত মুক্তি লাভ কৰিব ‘Fast and Furious’ ফ্ৰেন্সাইজৰ নতুন সংস্কৰণ ‘F9’ ৷ 2001 চনৰ পৰাই দৰ্শকৰ মাজত জনপ্ৰিয় হৈ আছে এই ফ্ৰেন্সাইজটো ৷ দুটা বেক টু বেক চিক্যুৱেলৰ সৈতে সমাপ্ত হ’ব এই চিৰিজটো ৷
