দুপৰীয়া 1 বজাৰ দহটা শীৰ্ষ বাতৰি

দুপৰীয়া 1 বজাৰ দহটা শীৰ্ষ বাতৰি

সদনৰ পৰা সাত দিনলৈ নিলম্বন ৰিপুন বৰাকে ধৰি অন্য 7 জন সাংসদ ৷ সদনত উত্তাল পৰিৱেশ সৃষ্টি কৰাৰ অভিযোগত নিলম্বন 8 সাংসদ ৷ দেওবাৰে কৃষি বিধেয়কক লৈ সদনত সৃষ্টি কৰা উত্তপ্ত পৰিৱেশৰ বাবে নিলম্বন ৷ এই ঘটনাক দুৰ্ভাগ্যজনক আৰু গৰিহনাযোগ্য আখ্যা সংসদৰ অধ্যক্ষ এম ভেঙ্কাইয়া নাইডুৰ ৷

হোজাইৰ কাকীত বন বিভাগৰ তৎপৰতাত উৎখাত কাঠফলা মিল ৷ মিলটোৰ পৰা আনুমানিক ৭০ ৰ পৰা ৮০ হাজাৰ টকাৰ কাঠৰ কুণ্ডা জব্দ কৰে বিভাগীয় কৰ্তৃপক্ষই ৷

দীৰ্ঘদিনৰ অন্তত ৰাজ্যত সোমবাৰৰ পৰা খোল খাইছে বিদ্যালয়সমূহ ৷ কিন্তু টীয়কৰ এখন বিদ্যালয়ত চৰকাৰৰ নিৰ্দেশ জাৰিৰ পিছতো বন্ধ থাকিল এখন বিদ্যালয় ৷ এক বিশেষ কাৰণত ক্ষুব্ধ জনতাই প্ৰতিবাদ সাব্যস্ত কৰি বিদ্যালয়খনৰ প্ৰৱেশদ্বাৰত ওলোমাই তলা ৷ এই ঘটনা সংঘটিত হৈছে টীয়কৰ নামচিচু উচ্চ মাধ্যমিক বিদ্যালয়ত ৷

নিশা জালুকবাৰীত আৰক্ষীৰ তালাচী ৷ তালাচীৰ সময়ছোৱাতে আৰক্ষীয়ে সন্দেহজনকভাৱে ৰখিবলৈ নিৰ্দেশ দিয়া বাহনৰ পয়ালন ৷ তালাচী চকীৰ বেৰিকেড ভাঙি তীব্ৰ বেগেৰে পলায়ন কৰে বাহনখনে ৷

মঙলবাৰে সুশান্তৰ মৃত্যুৰ তদন্তত এতিয়ালৈকে লাভ কৰা তথ্য সন্দৰ্ভত এক আলোচনাত মিলিত হ’ব চিবিআই আৰু এইমছৰ মেডিকেল ব’ৰ্ড ৷ ইয়াৰোপৰি, আগন্তুক কাৰ্যসূচী সম্পৰ্কে আলোচনা কৰিব দুয়োটা দলে ৷

দেওবাৰৰ দিনটোত গুৱাহাটীৰ সৰ্বোচ্চ তাপমান 36.8 ডিগ্ৰী চেলচিয়াছ হোৱাৰ সমান্তৰালকৈ ডিব্ৰুগড়ত 37.6, তেজপুৰত 37.3, শিলচৰত 36.8, ধুবুৰীত 32.9, যোৰহাটত 36.2 আৰু উত্তৰ লখিমপুৰত 37.6 ডিগ্ৰী চেলচিয়াছ ।

গাভৰু নদীৰ ব্যাপক গৰাখহনীয়াত ৰঙাপৰাৰ ধেন্দাই চাহ বাগিছাকে ধৰি আন একাংশ স্থানত বিস্তৰ ক্ষতিসাধন হোৱা পৰিলক্ষিত হৈছে ৷

ৰাইজৰ অভিযোগ পথচোৱা নিৰ্মাণ অথবা মেৰামতিৰ নামত গড়কাপ্তানী বিভাগটোৱে অঞ্চলবাসী ৰাইজক দুবাৰকৈ চৰম প্ৰতাৰণা কৰিছে ৷

বিগত চাৰি মাহ ধৰি বেকী, ব্ৰহ্মপুত্ৰ আৰু মানাহ নদীৰ খহনীয়াই জটিল ৰূপ ধাৰণ কৰিছে বাঘবৰ সমষ্টিৰ কেতবোৰ অঞ্চলত ৷ তাৰ পাচতো স্থানীয় জনপ্ৰতিনিধিৰ তৎপৰতাহীনতাত ক্ষুব্ধ হৈ পৰিছে স্থানীয় ৰাইজ ৷ যাৰ বাবে সোমবাৰে তেওঁলোকে প্ৰতিবাদ সাব্যস্ত কৰে ৷

প্ৰশ্নকাকত ফাদিল হোৱা ঘটনাই চৰকাৰৰ গৃহবিভাগৰ চৰম ব্যৰ্থতাৰ কথা উদঙাই দিয়া বুলি প্ৰকাশ কৰিছে ছাত্ৰ মুক্তি সংগ্ৰাম সমিতিয়ে ৷