ৰ'ড চুৰি কৰিবলৈ গৈ ৰঙাঘৰৰ আলহী এজন

অনিল নগৰৰ উপপথত নিৰ্মাণৰ বাবে মজুত কৰি ৰখা লোহাৰ ৰ'ড চুৰি কৰিবলৈ লওঁতে স্থানীয় ৰাইজে হাতে-লোটে ধৰা পেলাই চোৰটোক ৷

গুৱাহাটী, 16 আগষ্ট : মহানগৰীৰ অনিল নগৰত লোহাৰ ৰ'ড চুৰি কৰিবলৈ গৈ হাতে-লোটে ধৰা পৰিল এটা চোৰ । শুকুৰবাৰৰ পুৱা প্ৰায় 4 বজাত অনিল নগৰৰ 3 নম্বৰ উপপথত নিৰ্মাণৰ বাবে মজুত কৰি ৰখা ৰ'ড চুৰি কৰিবলৈ লওঁতেই ৰোহিত আলী ওৰফে ৰোহিত শৰ্মাক স্থানীয় ৰাইজে হাতে-লোটে ধৰা পেলাই আৰক্ষীক চমজাই দিয়ে ।

উল্লেখযোগ্য যে, অনিল নগৰৰ 3 নম্বৰ উপপথত গড়কাপ্তানি বিভাগৰ পথ আৰু নলাৰ নিৰ্মাণৰ কাম চলি আছিল । বিগত কেইবাদিন ধৰি নিৰ্মাণৰ সামগ্ৰী চুৰি কৰাৰ বাবে খাপ পিটি ৰৈ আছিল চোৰটো ৷