পূব বঙ্গীয় মুছলমানৰ অবৈধ প্ৰৱজনৰ ফলত অস্তিত্বৰ সংকটত পৰিছে খিলঞ্জীয়া মুছলমান

অসম চুক্তিৰ ৬নং দফা সন্দৰ্ভত চোতাল সভা । 20 তাকৈ খিলঞ্জীয়া মুছলমান সংগঠনৰ উদ্যোগত অনুষ্ঠিত হয় এই সভা ।

গুৱাহাটী, 21 ছেপ্টেম্বৰঃ 20 তাকৈ খিলঞ্জীয়া মুছলমান সংগঠনৰ অভিযোগ যে, মূলত পূব বঙ্গীয় মুছলমানৰ অবৈধ প্ৰৱজনৰ ফলত অস্তিত্বৰ সংকটত পৰিছে খিলঞ্জীয়া মুছলমান সকল । ইয়াৰ বিৰুদ্ধে শুকুৰবাৰে ৬ নং দফা ৰূপায়নৰ উচ্চস্তৰীয় কমিটিক স্মাৰক পত্ৰ প্ৰদান কৰে কেউটা সংগঠনে ।

শনিবাৰে লক্ষীধৰ বৰা ক্ষেত্ৰত অনুষ্ঠিত কৰা হয় এই চোতাল সভা । ২০ টা সংগঠনৰ উমৈহতীয়া মঞ্চ জনগোষ্ঠীয় সমন্বয় পৰিষদ নাম দি অনুষ্ঠিত কৰা হয় এই চোতাল সভা । বি জে পি নেতা মমিনুল আৱালৰ নেতৃত্বত অনুষ্ঠিত হোৱা এই সভাতে পূববংগীয় মুছলমানৰ আধিপত্য থকা 25 তাকৈ বিধানসভা সমষ্টিৰ খিলঞ্জীয়াৰ বাবে সংৰক্ষণৰ বাবে দাবী উত্থাপন কৰে জনগোষ্ঠীয় সমন্বয় পৰিষদে । তদুপৰি ৬ নং দফা সন্দৰ্ভত খিলঞ্জীয়াৰ সংজ্ঞাৰ পৰাও বাদ পৰাৰ উপক্ৰম হৈছে এইসকল খিলঞ্জীয়া মুছলমান ।