গুৱাহাটী, ২৮ ডিচেম্বৰ: দুদিনীয়া কাৰ্যসূচীৰে গুৱাহাটীত থকা ইন্দিৰা গান্ধী এথলেটিকছ ষ্টেডিয়ামত আৰম্ভ হৈছে ৩২ সংখ্যক পূৱ মণ্ডল জুনিয়ৰ এথলেটিকছ প্ৰতিযোগিতা । ক'ভিড প্ৰটকল মানি অনুষ্ঠিত কৰা হৈছে খেলখন । অসম এথলেটিকছ সন্থাৰ উদ্যোগত অনুষ্ঠিত হোৱা প্ৰতিযোগিতাখন উদ্বোধন কৰে অসম ক্ৰীড়া প্ৰাধিকৰণৰ সঞ্চালক প্ৰধান ওমকাৰ মল কেডিয়াই ।
অসম, আন্দামান নিকোবৰ দ্বীপপুঞ্জ, বিহাৰ, ঝাৰখণ্ড, ত্ৰিপুৰা, মেঘালয়, ছিকিম, মণিপুৰ আৰু অৰুণাচল প্ৰদেশৰ খেলুৱৈয়ে এই প্ৰতিযোগিতাত অংশগ্ৰহণ কৰিছে । দুদিনীয়াকৈ অনুষ্ঠিত হোৱা প্ৰতিযোগিতাৰ প্ৰথম দিনটোত ৫৩টা ইভেন্টৰ খেল অনুষ্ঠিত হয় ।
আজিৰ উদ্বোধনী অনুষ্ঠানত উপস্থিত থাকে অসম এথলেটিকছ সন্থাৰ সভাপতি লক্ষ্য কোঁৱৰ, উদ্যোক্তা সমিতিৰ অধ্যক্ষ ধৰ্মকান্ত মিলি আৰু সম্পাদক অশোক কুমাৰ ভৰালীকে প্ৰমুখ্যে কৰি বহু কেইগৰাকী প্ৰাক্তন খেলুৱৈ আৰু ক্ৰীড়া সংগঠক ।
