গুৱাহাটী ,২৬ নৱেম্বৰ : অসম লোকসেৱা আয়োগৰ পৰীক্ষা(Apsc Examination)ৰ পৰা অসমীয়া বিষয়টো নোহোৱা কৰি ৰাজ্যিক কেবিনেটে গ্ৰহণ কৰা সিদ্ধান্তক লৈ ৰাজ্যজুৰি প্ৰতিক্ৰিয়া সৃষ্টি হৈছে আৰম্ভ হৈছে । চৰকাৰৰ এই সিদ্ধান্তক লৈ সাহিত্যিক, বুদ্ধিজীৱী, দলসংগঠন জাঙুৰ খাই উঠিছে । ৰাজ্য চৰকাৰে অসমীয়া বিষয়টো অসম লোক সেৱা আয়োগৰ প্ৰশ্নকাকতৰ পৰা বাতিল কৰাৰ সিদ্ধান্ত গ্ৰহণ কৰাত অসম সাহিত্য সভায়ো উদ্বেগ প্ৰকাশ কৰিছে(Assam Sahitya Sabha on APSC) ।
সাহিত্য সভাৰ সভাপতি কুলধৰ শইকীয়াই এই বিষয়ে কয় যে, চৰকাৰৰ এয়া এক হঠকাৰী সিদ্ধান্ত ৷ যি সময়ত দেশৰ অন্যান্য ৰাজ্যত নিজৰ ৰাজ্য ভাষাসমূহক এনে পৰীক্ষাত বাধ্যতামূলক কৰিছে । UPSC পৰীক্ষাত অসমৰ পৰীক্ষাৰ্থীৰ বাবে অসমীয়া তথা অষ্টম অনুসূচীত ভাষাৰ প্ৰশ্নকাকত বাধ্যতামূলক কৰিছে, তেনে সময়তে চৰকাৰে APSC পৰীক্ষাত অসমীয়া ভাষাৰ বাধ্যতামূলক প্ৰশ্নকাকত প্ৰত্যাহাৰ কৰা কাৰ্য আশ্চৰ্যকৰ ৷
এই বিষয়ে বিশিষ্ট বুদ্ধিজীৱী তথা বিশিষ্ট সাংবাদিক হাইদৰ হুছেইনে কয় যে, অসমীয়া অসমীয়াত্বৰ ক্ষেত্ৰত চৰকাৰৰ দায়িত্ববোধ পূৰ্বতকৈ হ্ৰাস পাইছে । চৰকাৰে APSC ৰ অসমীয়া বাধ্যতামূলক প্ৰশ্নকাকতখন (Assamese Language Mandatory in Apsc Examination) নোহোৱা কৰাৰ সিদ্ধান্তক বাহিৰ প্ৰাৰ্থিক সুযোগ দিয়াৰ বাবে লোৱা সিদ্ধান্ত বুলি ক'ব পাৰি । অসমীয়া ভাষাক এলাগী কৰাৰ ষড়যন্ত্ৰ এয়া । চৰকাৰে প্ৰায় ৩০ বছৰ মানৰ পৰা অসম লোকসেৱা আয়োগৰ ক্ষেত্ৰত যিবোৰ বেমেজালি হৈছে সেইবোৰ সমাধান কৰিব লাগিছিল(Turmoil in APSC)।
"এই সিদ্ধান্ত লওঁতে ভাষাবিদ, জাতীয় সংগঠন, সাহিত্য সভাৰ মতামত ল'ব লাগিছিল । এই সিদ্ধান্ত অসম বিৰোধী । অসমৰ অস্তিত্বক উপেক্ষা কৰা হৈছে । এয়া চৰকাৰৰ বিবেচনাহীন, অদূৰদৃষ্টি সম্পন্ন সিদ্ধান্ত । এই সিদ্ধান্তই অসমীয়া জাতিৰ সংকট আৰু বৃদ্ধি কৰিব।"
আনহাতে আছুৰ সভাপতি দীপাংক কুমাৰ নাথে এই বিষয় সন্দৰ্ভত কয় যে, অসমীয়া ভাষাটো এলাগী কৰাৰ বাবে অসম চৰকাৰ কেবিনেটত এই সিদ্ধান্ত । আছুৱে অসমীয়া ভাষাৰ প্ৰতি চূড়ান্ত অপমান বুলি গণ্য কৰিছোঁ । এই সিদ্ধান্ত অতি শীঘ্ৰে প্ৰত্যাহাৰ কৰাৰ বাবে দাবী জনায় । অসমীয়া ভাষা বিৰোধী কোনো সিদ্ধান্ত নলবলৈ চৰকাৰক সকীয়াই দিয়ে দীপাংক কুমাৰ নাথে ।
লগতে পঢ়ক : Mission Basundhara : মিছন বসুন্ধৰাত কৰা আবেদনৰ ১৫ শতাংশ কামৰ অগ্ৰগতি
