ৰঙিয়া,৪জুন : উন্নয়নৰ আন এক ছবি ৰঙিয়াৰ ২নং ইচ্ছাপুৰ গাঁৱত । এজাক বৰষুণতেই সৃষ্টি হোৱা কৃত্ৰিম বানত এমাহ ধৰি দুৰ্ভোগ ভুগিবলগীয়া হৈছে গাঁওবাসীয়ে । বৰষুণৰ ফলত পথত একাঠু বোকাৰ সৃষ্টি হৈ অচল হৈ পৰে অঞ্চলটোৰ যাতায়ত ব্যৱস্থা । ইফালে ৰাইজৰ দুৰ্দশাৰ খবৰ লবলৈ আহৰি নাই বিভাগীয় কৰ্তৃপক্ষৰ । যাৰ বাবে স্থানীয় ৰাইজে ক্ষোভিত হৈ মংগলবাৰে সাব্যস্ত কৰে প্ৰতিবাদ । স্থানীয় ৰাইজৰ দাবী অতি শীঘ্ৰে বান ৰোধৰ বাবে ব্যৱস্থা গ্ৰহণ কৰক বিভাগীয় কৰ্তৃপক্ষই ।
কৃত্ৰিম বানৰ কৱলত ৰঙিয়াৰ ইচ্ছাপুৰবাসী
ইফালে, অঞ্চলটোৰ পথবোৰত নলা-নৰ্দমাৰ কোনো ব্যৱস্থা নথকাৰ বাবে সৃষ্টি হয় কৃত্ৰিম বানৰ । অঞ্চলবাসীৰ মতে বিজেপি চৰকাৰে কেৱল উন্নয়নৰ কথা মুখৰেহে কব পাৰে, প্ৰকৃততে ইয়াৰ কাৰ্য হাতে-কামে নচলে । যাৰ বাবে স্থানীয় ৰাইজে বিজেপি চৰকাৰৰ বিৰোধিতাৰে সাব্যস্ত কৰে প্ৰতিবাদ ।
