নিউজডেস্ক,24 নৱেম্বৰ : মঙলবাৰে দেশৰ প্ৰধানমন্ত্ৰী নৰেন্দ্ৰ মোডীয়ে ক'ভিড-১৯ৰ শেহতীয়া স্থিতি আৰু ক'ভিড-১৯ প্ৰতিৰোধী ভেকচিন ব্যৱস্থাপনা সন্দৰ্ভত ৰাজ্যসমূহৰ মুখ্যমন্ত্ৰীসকলৰ লগত ভিডিঅ' কনফাৰেন্সযোগে এখন বৈঠকত মিলিত হয় ৷ এই বৈঠকখনত গৃহমন্ত্ৰী অমিত শ্বাহেও অংশ গ্ৰহণ কৰে ৷
ব্ৰহ্মপুত্ৰ ৰাজ্যিক অতিথিশালাৰ পৰা অসমৰ মুখ্যমন্ত্ৰী সৰ্বানন্দ সোণোৱাল আৰু স্বাস্থ্যমন্ত্ৰী হিমন্ত বিশ্ব শৰ্মাই ভিডিঅ' কনফাৰেন্সযোগে বৈঠকত অংশগ্ৰহণ কৰে ৷
প্ৰধানমন্ত্ৰী নৰেন্দ্ৰ মোডীয়ে কয়, "সকলোৰে ঐক্যবদ্ধ প্ৰচেষ্টাতে আমি সংকটৰ মহাসমুদ্ৰৰ পৰা উদ্ধাৰ হৈ পাৰত উপনীত হৈছোহি; এতিয়া পাৰত যাতে নাওঁ নুডুবে তাৰ বাবে আমি অধিক সজাগ আৰু সচেতন হ'ব লাগিব। ক'ভিড বিৰোধী যুঁজখনত যুঁজিব লাগিব ৷ "
লগতে পঢ়ক:তৰুণ গগৈৰ মৃত্যুত শোকপ্ৰকাশ চামগুৰিবাসীৰ
