গুৱাহাটী, ১৬ জুলাই: গুৱাহাটী মহানগৰীৰ বিভিন্ন পাহাৰ অঞ্চলত দীৰ্ঘ সময়ৰ পৰা বহুলোকে বসবাস কৰি আহিছে ৷ কিন্তু, ইয়াৰ পাচতো বৰ্তমানলৈকে পট্টা নোপোৱাকৈ থকা লোকসকলক শীঘ্ৰে পট্টা প্ৰদান কৰিব চৰকাৰে । শুকুৰবাৰে, বিধানসভা(Assam assembly)ত বিত্তমন্ত্ৰী(finance minister)এ বাজেট দাখিল কৰাৰ পাচতে এখন সংবাদমেলত ভাগ লৈ এই ঘোষণা কৰে মুখ্যমন্ত্ৰী ড৹ হিমন্ত বিশ্ব শৰ্মা(CM Himanta Bishwa Sarma)ই ।
মুখ্যমন্ত্ৰী গৰাকীয়ে কয় যে, "যিসকল প্ৰকৃত ভাৰতীয় লোক পাহাৰত পূৰ্বৰে পৰা বসবাস কৰি আছে তেওঁলোকক উচ্ছেদ(eviction) কিম্বা স্থানান্তৰ কৰা নহয় । বৰং তেওঁলোকক ভূমি পট্টা(land patta) প্ৰদান কৰি সেই ঠাইতে সংস্থাপিত কৰা হব । কিন্তু, নতুনকৈ কোনো লোকে পাহাৰত বসতি স্থাপন কৰিব খুজিলে তেওঁলোকক তাৰ পৰা আতৰাই পঠিওৱা হ’ব ।
ড্ৰোণৰ জৰিয়তে এই বিষয়টো নিৰীক্ষণ কৰা হ’ব বুলি জানিবলৈ দি শুকুৰবাৰে বিত্তমন্ত্ৰীয়ে দাখিল কৰা বাজেটখনক মধ্যবিত্তৰ বাজেট(budget for the middle class) বুলি অভিহিত কৰে মুখ্যমন্ত্ৰী গৰাকীয়ে ৷
তেওঁ লগতে কয় যে, এনে ক'ভিড কালত এটকাও কৰ আৰোপ নকৰাকৈ এনে এখন বাজেট দাখিল কৰাৰ বাবে বিত্তমন্ত্ৰী গৰাকী ধন্যবাদৰ পাত্ৰ । এইখন বাজেট নিৰ্বাচনৰ পূৰ্বে ৰাইজক দিয়া প্ৰতিশ্ৰুতি পূৰণৰ বাজেট বুলিও মন্তব্য কৰে মুখ্যমন্ত্ৰীয়ে । ইফালে, শুকুৰবাৰে ৰাজ্যৰ বিত্তমন্ত্ৰী গৰাকীয়ে বিধান সভাত বাজেট দাখিল কৰাৰ পাচত সমগ্ৰ ৰাজ্যত বাজেটখনকলৈ মিশ্ৰিত প্ৰতিক্ৰিয়াৰ সৃষ্টি হোৱা পৰিলক্ষিত হৈছে ৷
লগতে পঢ়ক : অৰুণোদয় আঁচনিৰ বাবে অজন্তা নেওগৰ বাজেটত ১৮০০ কোটি ধাৰ্য
