গুৱাহাটী, 30 মে': ৪ মাহ যোৰা তদন্তৰ অন্তত চান্দমাৰীস্থিত ৰাষ্ট্ৰীয় তদন্তকাৰী সংস্থা "নিয়া"ৰ আদালত কৃষক নেতা নেতা অখিল গগৈ আৰু কাৰাৰুদ্ধ কৃষক নেতা ধৈৰ্য কোঁৱৰ, বিতু সোণোৱাল আৰু মানস কোঁৱৰৰ বিৰুদ্ধে তদন্তৰ প্ৰতিবেদন দাখিল ৷ প্ৰতিবেদনত অখিল গগৈৰ মাওবাদীৰে সম্পৰ্ক থকাৰ লগতে অন্য তিনিজনে অখিল গগৈৰ আদর্শক সমৰ্থন কৰাৰ বুলি উল্লেখ কৰিছে নিয়াই । উল্লেখ্য যে, নাগৰিকত্ব সংশোধনী আইন বিৰোধী আন্দোলনৰ সময়ত ১৩/১৯ নম্বৰ গোচৰৰ ভিত্তিত বিগত বর্ষৰ ১৪ ডিচেম্বৰত যোৰহাট কাৰাগাৰৰ পৰা কৃষক নেতা অখিল গগৈক প্ৰথম গ্ৰেপ্তাৰ কৰিছিল নিয়াই ৷ ১০ দিন নিয়া'ৰ জিম্মাত থকা পাছত কৃষক নেতা গৰাকীক আদালতে প্ৰেৰণ কৰিছিল কাৰাগাৰলৈ ৷ অখিল গগৈক গ্ৰেপ্তাৰৰ পাছতে অন্য তিনিজন কৃষক নেতা ক্ৰমে ধৈৰ্য কোঁৱৰ, বিতু সোণোৱাল আৰু মানস কোঁৱৰক গ্ৰেপ্তাৰ কৰিছিল নিয়াই ৷ ইয়াৰ পাছৰে পৰা বিগত ৪ মাহে কাৰাগাৰত কাৰাৰুদ্ধ হৈ আছে নেতা কেইজন ৷
উল্লেখযোগ্য যে সমগ্ৰ ঘটনা নিয়াৰ অভিযোগনামাত উল্লেখ থকাৰ পাছতো অসম আৰক্ষীয়ে কিদৰে ইটোৰ পিছত সিটো গোচৰত অখিল গগৈক গ্ৰেপ্তাৰ কৰি আছে বুলি প্ৰশ্ন কৰিছে অধিবক্তা কৃষ্ণ গগৈয়ে ৷ আনহাতে ইতিমধ্যেই আৰক্ষীয়ে চাবুৱা থানাৰ তিনিটা গোচৰত বৃহস্পতিবাৰে গুৱাহাটীৰ কেন্দ্ৰীয় কাৰাগাৰৰ পৰা পুনৰ গ্ৰেপ্তাৰ কৰিছে কৃষক নেতা অখিল গগৈক।
লগতে পঢ়কঃ লুইতৰ খহনীয়াই ভাবুকি কঢ়িয়াইছে বুঢ়াচাপৰি অভয়াৰণ্যলৈ
