গুৱাহাটী, 21 আগষ্টঃ বুধবাৰে আনুষ্ঠানিকভাৱে দায়িত্বভাৰ গ্ৰহণ কৰে নৱনিযুক্ত উপাচাৰ্য ডঃ প্ৰতাপ জ্যোতি সন্দিকৈয়ে । গুৱাহাটী বিশ্ববিদ্যালয় উপাচাৰ্যৰ সভাকক্ষত অনুষ্ঠিত এক গাম্ভীৰ্যপূৰ্ণ অনুষ্ঠানৰ পিছতেই নিজৰ কাৰ্যভাৰ গ্ৰহণ কৰে ডঃ সন্দিকৈয়ে । এই সভাত উপস্থিত থাকে প্ৰাক্তন উপাচাৰ্য ডঃ মৃদুল হাজৰিকা । এই অনুষ্ঠানতেই প্ৰাক্তন উপাচাৰ্য ডঃ হাজৰিকাক বিদায় জনোৱা হয় ।
গুৱাহাটী বিশ্ববিদ্যালয়ৰ নতুন উপাচাৰ্য নিযুক্ত
নতুন উপাচাৰ্য ডঃ প্ৰতাপ জ্যোতি সন্দিকৈক অভিনন্দন জ্ঞাপন কৰে প্ৰাক্তন উপাচাৰ্যগৰাকীয়ে । ইফালে সততা আৰু নিষ্ঠাৰে বিশ্ববিদ্যালয়ত এক নতুন দিগন্তৰ সূচনাৰ লক্ষ্য ডঃ সন্দিকৈৰ । বিশ্ববিদ্যালয়ক লৈ নতুন বহু পৰিকল্পনা লোৱা হ'ব বুলিও সাংবাদিকৰ আগত প্ৰকাশ কৰে নৱনিযুক্ত উপাচাৰ্যগৰাকীয়ে । উল্লেখযোগ্য যে, নতুন উপাচাৰ্য ডঃ প্ৰতাপ জ্যোতি সন্দিকৈক কাৰ্যালয়ত উস্ম আদৰণি জনাই কৰ্মচাৰীসকলে ।
