Mother Language Day : আন্তৰ্জাতিক মাতৃ ভাষা দিৱসত অসমীয়া ভাষাৰ সংকট সম্পৰ্কীয় আলোচনা চক্ৰ

ৰাজধানী স্বর্ণ শাখা সাহিত্য সভা আৰু অসম লেখিকা সমাজৰ মধ্য গুৱাহাটী আঞ্চলিক সমিতিৰ যুটীয়া সহযোগত গুৱাহাটীত মাতৃভাষা দিৱস উদযাপন (mother language day observed in guwahati) । "ঊনবিংশ শতিকাৰ পৰা একবিংশ শতিকালৈ মাতৃভাষাৰ সংকট আৰু অসমীয়া ভাষাৰ ভৱিষ্যৎ" শীৰ্ষক আলচনা-চক্ৰ ।

গুৱাহাটী, ২১ ফেব্ৰুৱাৰী : ১৯৫২ চনৰ আজিৰ দিনটোতে পূব পাকিস্তানত (এতিয়াৰ বাংলাদেশ) উৰ্দু ভাষাক ৰাষ্ট্ৰীয় ভাষাৰ পৰিৱৰ্তে বাংলা ভাষাক চৰকাৰী ভাষা হিচাপে স্বীকৃতি দিয়াৰ দাবীত ৰাজপথলৈ ওলাই আহিছিল ছাত্ৰ সমাজ । এই ভাষা আন্দোলনত পুলিচৰ গুলীত শ্বহীদ হৈছিল কেইবাজনো ছাত্ৰ নেতা । পৰৱৰ্তী সময়ত অৰ্থাৎ ১৯৫৬ চনত পাকিস্তান চৰকাৰে এই দাবী মানি লৈ বাংলা ভাষাক চৰকাৰী ভাষা হিচাপে স্বীকৃতি প্ৰদান কৰিছিল । ২০০০ চনৰ পৰা ৰাষ্ট্ৰসংঘই ২১ ফেব্ৰুৱাৰীৰ দিনটো আন্তৰ্জাতিক মাতৃভাষা দিৱস হিচাপে পালন কৰি আহিছে (international mother language day) ।

মাতৃভাষা দিৱসৰ গুৰুত্ব আৰু প্ৰয়োজনীয়তাৰ প্ৰতি লক্ষ্য ৰাখি ৰাজধানী স্বর্ণ শাখা সাহিত্য সভা আৰু অসম লেখিকা সমাজৰ মধ্য গুৱাহাটী আঞ্চলিক সমিতিৰ যুটীয়া সহযোগত গুৱাহাটীত দিনজোৰা কাৰ্যসূচীৰে আন্তৰ্জাতিক মাতৃভাষা দিৱস উদযাপন কৰা হয় (mother language day observed in guwahati) । এই উপলক্ষে মঙলবাৰে চচল শতদল শাখা সাহিত্য সভা ভৱনত পুৱা ৯ বজাত ৰাজধানী স্বর্ণ শাখা সাহিত্য সভাৰ পতাকা উত্তোলন কৰে সভাপতি পদুমী গগৈয়ে আৰু লেখিকা সমাজৰ পতাকা উত্তোলন কৰে কাৰ্যকৰী সভাপতি ৰত্না দেৱীয়ে । তাৰ পিছত বন্তি প্রজ্জ্বলন কৰে সাংস্কৃতিক মহাসভা অসমৰ কাৰ্যকৰী সভাপতি ড° হৰিৰাম দাসে (international mother language day 2023) ।