গুৱাহাটী,7 জুলাই: মহানগৰীত কৰ’ণা সংক্ৰমণৰ হাৰ ভয়াৱহভাৱে বৃদ্ধি পোৱাৰ পিছত জাৰি কৰা হৈছিল চৈধ্যদিনীয়া লক ডাউন ৷ এই লক ডাউনৰ এসপ্তাহ পাৰ হোৱাৰ পিছত প্ৰশাসনে আংশিকভাৱে শিথিল কৰিছিল লক ডাউন ৷ কিন্তু পুনৰ কঠোৰভাৱে মহানগৰীত আৰম্ভ হৈছে লক ডাউন ৷ ফলত বন্ধ হৈ পৰিছে সকলো চৰকাৰী কাৰ্যালয়ৰ লগতে ধৰ্মীয় উপাসনা গৃহ সমূহো ৷ এনে অৱস্থাৰ মাজতে মহানুৱতাৰ পৰিচয় দাঙি ধৰিছে এগৰাকী নৃত্য পৰিচালকে ৷ মহানগৰীৰ নাৰেংগীৰ অজয় মালাকাৰ নামৰ নৃত্য পৰিচালকগৰাকীয়ে লক ডাউনৰ মাজতে পদপথৰ ভোকাতুৰ লোকসকলক যোগান ধৰে আহাৰৰ ৷ গুৱাহাটীৰ কেইবাটাও অঞ্চলত ব্যক্তিগৰাকীয়ে নিজা বাহনেৰে খাদ্য সামগ্ৰী কঢ়িয়াই নি সেয়া যোগান ধৰে বহু লোকক ৷ অজয়ৰ এই প্ৰচেষ্টাই কংক্ৰিটেৰে পৰিপূৰ্ণ মহানগৰীত মানৱতাৰ পৰিচয় দিয়ে ৷ লগতে সুৰক্ষাৰ বাবে ৰাইজৰ মাজত মাস্ক বিতৰণ কৰে পৰিচালকগৰাকীয়ে ৷
এগৰাকী নৃত্য পৰিচালকৰ মহানুভৱতা
