কেন্দ্ৰীয় কাৰাগাৰত গ্ৰন্থাগাৰ স্থাপন ললিত চন্দ্ৰ ভঁৰালী মহাবিদ্যালয় কৰ্তৃপক্ষৰ

কাৰাগাৰৰ কয়দীসকলক গ্ৰন্থ অধ্যয়নৰ প্ৰতি আকৰ্ষিত কৰা আৰু গ্ৰন্থ অধ্যয়নৰ এক ইতিবাচক পৰিবেশ গঢ়ি তোলাৰ বাবে মহাবিদ্যালয়খনে গ্ৰহণ কৰিলে ব্যতিক্ৰমী পদক্ষেপ ৷ ডিচেম্বৰ মাহত স্বাস্থ্য পৰীক্ষা শিবিৰ অনুষ্ঠিত কৰাৰ কথাও ঘোষণা কৰিলে মহাবিদ্যালয় কৰ্তৃপক্ষই ৷

গুৱাহীটী , 14 নৱেম্বৰঃ মহানগৰীৰ মালিগাঁওস্থিত ললিত চন্দ্ৰ ভঁৰালী মহাবিদ্যালয়ে গ্ৰহণ কৰিলে এক ব্যতিক্ৰমী আৰু প্ৰশংসনীয় পদক্ষেপ ৷ লখৰাস্থিত কেন্দ্ৰীয় কাৰাগাৰত মহাবিদ্যালয় কৰ্তৃপক্ষই স্থাপন কৰিলে পুথিভঁৰাল ৷ মহাবিদ্যালয়ৰ অধ্যক্ষ ডঃ এদিচন আলী, বিদ্যাধৰ শইকীয়া আৰু ৰঞ্জিত বৈশ্যকে ধৰি বিশিষ্ট ব্যক্তিসকলৰ উপস্থিতিত বৃহস্পতিবাৰে উদ্বোধন কৰা হয় মহাবিদ্যালয়ৰ পুথিভঁৰালটোৰ এই সম্প্ৰসাৰণ কেন্দ্ৰটো ৷

কাৰাগাৰৰ কয়দীসকলক গ্ৰন্থ অধ্যয়নৰ প্ৰতি আকৰ্ষিত কৰা আৰু গ্ৰন্থ অধ্যয়নৰ এক ইতিবাচক পৰিবেশ গঢ়ি তোলাৰ বাবে মহাবিদ্যালয়খনে গ্ৰহণ কৰিলে এই পদক্ষেপ ৷ মহাবিদ্যালয়ৰ ফালৰ পৰা বহু কেইটা ভাষাত বহু কেইখন কিতাপ যোগান ধৰাৰ লগতে অহা ডিচেম্বৰ মাহত এই কেন্দ্ৰীয় কাৰাগাৰতে গুৱাহাটী চিকিৎসা মহাবিদ্যালয়ৰ মানসিক বিভাগৰ চিকিৎসকসকলৰ সৈতে মিলিত হৈ এখনি স্বাস্থ্য পৰীক্ষা শিবিৰৰো আয়োজন কৰা হ'ব বুলি জানিবলৈ দিয়ে ললিত চন্দ্ৰ ভঁৰালী মহাবিদ্যালয়ৰ অধ্যক্ষ ডঃ এদিচন আলী ৷

লগতে পঢ়কঃ কাৰ্বি আংলঙত সেনাৰ ৰেড হৰ্ণ ডিভিজনৰ উদ্যোগত শিশু দিৱস উদযাপন