গুৱাহাটী, ২৯ মে': মুখ্যমন্ত্ৰী হিমন্ত বিশ্ব শৰ্মাৰ সভাপতিত্বত দেওবাৰে জনতা ভৱনত ৰাজ্য চৰকাৰৰ সাপ্তাহিক কেবিনেট বৈঠক অনুষ্ঠিত হয় । কেবিনেট বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয় (Assam Cabinet Decision)। বৈঠকৰ অন্তত কেবিনেটৰ সিদ্ধান্তসমূহ সংবাদমেলযোগে সদৰি কৰে মন্ত্ৰী কেশৱ মহন্তই ।
কেবিনেটত গ্ৰহণ কৰা সিদ্ধান্ত সমূহ হৈছে:
- ছবছৰীয়া অসম আন্দোলনত নিৰ্যাতিত ২৮৮ গৰাকী ব্যক্তি আৰু ৫৭ গৰাকী মহিলাক ২ লাখ টকাকৈ এককালীন সাহায্য আগবঢ়োৱা হ'ব (Financial aid to Assam movement tortured victim)। ১০ ডিচেম্বৰত শ্বহীদ দিৱসৰ দিনা প্ৰদান কৰা হ'ব এই সাহায্য ।
- অসম চাহ নিগমৰ শ্ৰমিকসকলৰ ১৪২ কোটি ৫ লাখ টকা ভৱিষ্যত নিধিত দিবলৈ বাকী থকা টকা কেবিনেটে মুকলি কৰি দিয়ে ।
- চাহ বাগিছাৰ মাটি অধিগ্ৰহণ কৰিলে ক্ষতিপূৰণৰ ১০ শতাংশ ধন শ্ৰমিকসকলৰ পুনৰসংস্থাপনৰ বাবে প্ৰদান কৰা হ'ব (Compensation for tea garden land)। মালিক পক্ষই চৰকাৰৰ পৰা সেই টকা লৈ দিব লাগিব শ্ৰমিকক ।
- কেবিনেটৰ সিদ্ধান্ত অনুসৰি অসমত বসবাস কৰা সংখ্যালঘু খ্ৰীষ্টান, বুদ্ধ, জৈন, পাৰ্চী, মুছলিম আৰু শিখক সংখ্যালঘুৰ প্ৰমানপত্ৰ দিয়া হ'ব(Minority Certificate) । সংখ্যালঘু চিনাক্তকৰণৰ বাবে এই প্ৰমাণ পত্ৰ দিয়া হৈছে ।
- ১,২০৮ কোটি টকা ব্যয়ৰে ৰাজ্য চৰকাৰে নতুনকৈ ৩০০৭ টা পুখুৰী খান্দি অমৃত সৰোবৰ হিচাপে নামাকৰণ কৰিব (Amrit Sarovar in Assam)। একোটা পুখুৰীৰ নিৰ্মাণৰ বাবদ খৰছ হ'ব ২৪ লাখকৈ টকা ।
- ২৬ জানুৱাৰীৰ ভিতৰত আটাইকেইটা পুখুৰী নিৰ্মাণ কৰি কাম শেষ কৰা হ'ব । এই পুখুৰীৰ পাৰত বাগিচা স্থাপন কৰা হ'ব । জল সংৰক্ষণ আঁচনিৰ জৰিয়তে এই পুখুৰী খন্দা হ'ব ।
- চাহ বাগিচাত ইক' টুৰিজিম হিচাপে গঢ়িবলৈ অতিৰিক্তভাৱে ৫ শতাংশ অঞ্চল ব্যৱহাৰ কৰিবলৈ অনুমতি প্ৰদান কৰিছে কেবিনেটে ।
- বাগিছাৰ কোম্পানী বা মালিকপক্ষ বা চৰকাৰী পক্ষৰ সৈতে সংযুক্তৰ বাহিৰে আনক দায়িত্ব বা লীজত দিব নোৱাৰিব । চাহ বাগিছাৰ যুৱক-যুৱতীক সংস্থাপন পাব পাৰিব ।
- ইফালে বৰাকৰ ডলু চাহ বাগিছাৰ(Doloo Tea Estate) ১২৬৩ জন শ্ৰমিকক গুড উইল গ্ৰাণ্ট হিচাপে ১ লাখ টকাৰ এককালীন সাহায্য প্ৰদান কৰা হ'ব ।
- ডিমা হাচাওৰ কাৰণে মুখ্যমন্ত্ৰীয়ে আৰ্থিক সাহায্য ঘোষণা কৰিব আৰু কেবিনেটত আজি এই বিষয়ত আলোচনা হয় ।
- কেঁচা চাহপাতৰ ক্ষেত্ৰত লোৱা কৰ তিনি বছৰলৈ ৰেহাই দিয়া হৈছে (Tax waived for raw tea leaves)।
- ড৹ বাণীকান্ত কাকতি কম্পিউটাৰ সাহাৰ্য আঁচনিৰ অন্তৰ্গত ১৩২৮ গৰাকী শিক্ষকলৈ চিলিং ফ্ৰী কৰি দিয়া হৈছে (Banikanta Kakati Computer Literacy Programme)। এতিয়াৰে পৰা তেওঁলোকে নিয়মিত দৰমহা লাভ কৰিব ।
লগতে পঢ়ক: Electricity shortage in India : ক'ল ইণ্ডিয়াক ইন্ধন আমদানিৰ নিৰ্দেশ শক্তি মন্ত্ৰালয়ৰ
