গুৱাহাটী, 1 চেপ্তেম্বৰঃ অপ্ৰতিৰোধ্য জুবিন গাৰ্গ । উজনিৰ পৰা নামনিলৈ একেৰাহে ঘূৰি ফুৰিছে জুবিন । সকলোলৈ মাথো এটাই অনুৰোধ জুবিনৰ, ৬ ছেপ্টেম্বৰত মুকলি হ'ব লগা কাঞ্চনজংঘা ছবি চাবলৈ আহিব লাগে দৰ্শক । প্ৰচাৰৰ মাজতে PAYTM ৰ সৈতে হোৱা চুক্তিৰ কথাও জনালে জুবিনে । অসমৰ যিকোনো চিনেমাগৃহত কাঞ্চনজংঘা চালে টিকটৰ মুঠ ধনৰ 50 টকা 'কেচবেক' পাব দৰ্শকে । লগতে অসমৰ গল্ড ছবিগৃহত কাঞ্চনজংঘা চিনেমা চোৱা দৰ্শকৰ মাজত লটাৰীৰ ব্যৱস্থা কৰিছে গল্ড ছবি গৃহই আৰু লটাৰীৰ যোগে এজন ভাগ্যবান দৰ্শক বিচাৰি 1 লাখ টকা পুৰস্কাৰ প্ৰদান কৰাৰ কথা জানিবলৈ দিয়ে জুবিন গাৰ্গ আৰু গল্ড চিনেমাৰ স্বত্বাধিকাৰী ৰাজীৱ বৰাই ।
আনহাতে, সন্দিকৈ কলেজতো কাঞ্চনজংঘা ছবিৰ প্ৰচাৰৰ বাবে উপস্থিত হ'ল জুবিন । এবাৰ দুবাৰ নহয় টকা শেষ নোহোৱালৈ কাঞ্চনজংঘা ছবি চাবলৈ যাব সন্দিকৈ ছোৱালী কলেজৰ ছাত্ৰীসকল । প্ৰিয় শিল্পী গৰাকীক ওচৰত পাই এনেদৰে মন্তব্য কৰে ছাত্ৰীসকলে ৷ আনহাতে সকলোকে কাঞ্চনজংঘা চাবলৈও অনুৰোধ কৰে ছাত্ৰী সকলে ।
