গুৱাহাটী,18 অক্টোবৰ : দেওবাৰে মহানগৰীৰ গুৱাহাটী ক্লাবত সদৌ অসম গৰিয়া-মৰিয়া দেশী জাতীয় পৰিষদে মানৱ শৃংখল প্ৰদৰ্শনৰ জৰিয়তে এক প্ৰতিবাদ কাৰ্যসূচী ৰূপায়ণ কৰে । কেইবাটাও দাবীৰে সংগঠনটোৰ কেন্দ্ৰীয় নেতৃত্বই মানৱ শৃংখল কাৰ্যসূচী ৰূপায়ণ কৰে । গৰিয়া-মৰিয়া দেশীসকলক সুকীয়া জৰীপৰ জৰিয়তে চিনাক্ত কৰা, উন্নয়ন নিগম শীঘ্ৰে কাৰ্যকৰী কৰাৰ দাবীত সংগঠনটোৱে এই প্ৰতিবাদী কাৰ্যসূচী গ্ৰহণ কৰে ৷
উল্লেখ্য যে, বিজেপিয়ে চৰকাৰ গঠন কৰাৰ পিছত খিলঞ্জীয়া মুছলমানসকলৰ কেইবাটাও সমস্যা সমাধানৰ প্ৰতিশ্ৰুতি দিছিল । ইয়াৰ ভিতৰত আছিল গৰিয়া-মৰিয়া দেশীসকলৰ সুকীয়া জৰীপ আৰু উন্নয়ন নিগম গঠন কৰা । কিন্তু চৰকাৰে আজিলৈ এইসমূহ প্ৰতিশ্ৰুতিৰ ক্ষেত্ৰত কোনো গুৰুত্ব প্ৰদান নকৰিলে ৷ যাৰ বাবে এনেদৰে দেওবাৰে প্ৰতিবাদত নামে সংগঠনটোৰ সদস্য তথা কৰ্মকৰ্তাসকলে ৷
লগতে চাওকঃ আছুৰ বাবে নীলকণ্ঠৰ দৰে কাম কৰি যাব সমুজ্জল ভট্টাচাৰ্যই
