গুৱাহাটী, ৮ জুন : কৰ'ণা মহামাৰীৰ ফলত কেন্দ্ৰীয় চৰকাৰে ঘোষণা কৰা লক ডাউনৰ বাবে দুমাহৰো অধিক সময় অন্য ব্যৱসায়িক প্ৰতিষ্ঠানৰ লগতে বন্ধ হৈ আছিল হোটেল, ৰেষ্টুৰেন্টসমূহো । গুৱাহাটী মহানগৰীতো বন্ধ হৈ আছিল প্ৰায় ৫ সহস্ৰাধিক হোটেল, ৰেষ্টুৰেন্ট । সোমবাৰৰ পৰা মহানগৰীত পুনৰ মুকলি কৰা হ'ল হোটেল, ৰেষ্টুৰেন্টসূহ ।
কিন্তু এতিয়াও বহুতো হোটেল ৰেষ্টুৰেন্টে সম্পূৰ্ণৰূপে আগৰ দৰে সেৱা দিব পৰা নাই । বিশেষকৈ মহাবিদ্যালয়, বিশ্ববিদ্যালয়ৰ সমীপৰ হোটেল, ৰেষ্টুৰেন্টবোৰৰ একাংশ খোলা ৰাখি বাকীবোৰ বৰ্তমানেও খুলিব পৰা নাই । এই সন্দৰ্ভত গুৱাহাটী বিশ্ববিদ্যালয়ৰ সমীপৰ এখন ৰেষ্টুৰেন্টৰ স্বত্বাধিকাৰীয়ে ক'য়, ছাত্র-ছাত্ৰীসকল নথকাৰ বাবেই এতিয়া ৰেষ্টুৰেন্টসমূহ খোলা হৈছে যদিও গ্ৰাহকৰ সংখ্যা অতি তাকৰ । যাৰ বাবে মাত্ৰ কেইখনমানহে ৰেষ্টুৰেন্ট বা হোটেল খোলা ৰাখিছে তেওঁলোকে ।
লগতে পঢ়ক : বাঘজান তৈলখাদত উপস্থিত ছিংগাপুৰৰ বিশেষজ্ঞৰ দল
