গুৱাহাটী, 29 ফেব্ৰুৱাৰীঃ আজি নেমকেয়াৰ চিকিৎসালয়ত উপস্থিত হয় মন্ত্ৰী হিমন্ত বিশ্ব শৰ্মা ৷ চিকিৎসালয়ত উপস্থিত হৈ কন্ঠিশিল্পী জুবিন গাৰ্গৰ স্বাস্থ্যৰ বুজ লয় মন্ত্ৰী গৰাকীয়ে ৷ ইতিমধ্যে শিল্পীগৰাকীৰ স্বাস্থ্য দ্ৰুতগতিত উন্নতি হোৱাৰ বাবে বিশেষ চিন্তাৰ কাৰণ নাই বুলি প্ৰকাশ কৰে মন্ত্ৰী গৰাকীয়ে ৷ লগতে নেমকেয়াৰ চিকিৎসালয় কৰ্তৃপক্ষই জুবিন গাৰ্গৰ চিকিৎসাৰ সমস্ত দায়িত্ব গ্ৰহণ কৰাৰ বাবে চৰকাৰী কোনো অনুদান প্ৰদান কৰা নাই বুলিও উল্লেখ কৰে মন্ত্ৰী হিমন্ত বিশ্ব শৰ্মাই ৷
জুবিন গাৰ্গৰ খবৰ ল'বলৈ গৈ নেমকেয়াৰ চিকিৎসলয়ত ভৰ্তি হৈ থকা মুক্তি যুঁজাৰু হেম ভড়ালীৰো স্বাস্থ্য বুজ লয় মন্ত্ৰী হিমন্ত বিশ্ব শৰ্মাই ৷ শ্বাস-প্ৰশ্বাসজনিত কাৰণত দীৰ্ঘদিন ধৰি চিকিৎসালয়ত ভৰ্তি হৈ আছে মুক্তি যুজাৰু গৰাকী ৷ 101 বছৰ বয়স গৰকা মুক্তি যুঁজাৰু গৰাকীৰ চিকিৎসাৰ খৰচ চিকিৎসালয় কৰ্তৃপক্ষই বহন কৰি আহিছিল যদিও,শনিবাৰে চিকিৎসালয়খনত উপস্থিত হৈ মন্ত্ৰী গৰাকীয়ে তেওঁৰ সম্পূৰ্ণ খৰচ ৰাজ্য চৰকাৰে বহন কৰিব বুলি ঘোষণা কৰে ৷
আনহাতে জুবিন গাৰ্গ বৰ্তমান সুস্থ বুলি অৱগত কৰে জুবিন গাৰ্গৰ পত্নী গৰিমা গাৰ্গে ৷ শিল্পী গৰাকীয়ে মানুহৰ মাজত থাকি ভাল পায় গতিকে সকলোকে লগ কৰিব বিচাৰিছে যদিও স্বাস্থ্যৰ প্ৰতি লক্ষ্য ৰাখি সকলো লোকক লগ কৰিবলৈ দিয়া হোৱা নাই বুলি জনায় গৰিমা গাৰ্গে ৷
লগতে পঢ়কঃ
