গুৱাহাটী,8 নৱেম্বৰ : সমাগত পোহৰৰ উৎসৱ দিপাৱলী। ৰাজ্যৰ ভিন্ন প্ৰান্তৰ লগতে গুৱাহাটী মহানগৰীতো পোহৰৰ উৎসৱটিক আদৰিবলৈ সাজু হৈছে ৰাইজ । সকলোৱে নিজৰ ঘৰৰ চৌপাশ পোহৰৰে আলোকিত কৰিবলৈ প্ৰস্তুতি চলাইছে । মহানগৰীৰ বজাৰত উপলব্ধ হৈছে নানা ধৰণৰ চাকি ।
লগতে মহানগৰীৰ অতিকৈ পুৰণি কামাখ্যা গেটৰ চাকিৰ বজাৰত গ্ৰাহকৰ ভিৰ পৰিলক্ষিত হৈছে । বিভিন্ন ধৰণৰ মাটিৰ চাকি 100 টকাৰ পৰা উপলব্ধ হৈছে এই বজাৰত ।
ইফালে ক’ভিড-19য়ে এইবাৰ প্ৰভাৱিত কৰিছে দিপাৱলীৰ বজাৰত । পূৰ্বৰ দৰে বজাৰত গ্ৰাহকৰ ভিৰ নাই বুলি বিক্ৰেতাসকলে জানিবলৈ দিয়ে । অতিমাৰী কৰ’ণাৰ বাবেই ৰাইজে এইবাৰ জাকজমকতাৰ পৰিৱৰ্তে নিয়মমাফিক ৰীতিৰে আয়োজন কৰিব দিপান্বিতা, যাৰ বাবে মাটিৰ চাকিৰ বজাৰত বিগত বৰ্ষৰ দৰে গ্ৰাহকৰ সংখ্যা পৰিলক্ষিত হোৱা নাই ।
উল্লেখ্য যে,প্ৰতি বছৰে থলুৱা শিল্পীৰ দ্বাৰা প্ৰস্তুত কৰা মাটিৰ চাকি বিক্ৰী হয় কামাখ্যা গেটৰ এইখন বজাৰত। মহানগৰীৰ ভিন্ন প্ৰান্তৰ পৰা চাকি ক্ৰয় কৰিবলৈ গ্ৰাহক আহে কামাখ্যা গেটলৈ । কৰ’ণা মহামাৰীয়ে যেন এইবাৰ আন আন উৎসৱৰ লগতে দিপাৱলীৰ আনন্দ-উছাহতো ম্লান পেলাব ৷
লগতে পঢ়ক : বয়সেও হাৰ মনাব নোৱাৰা এগৰাকী ব্যক্তিৰ চমক
