ক'ত আছে "গেটৱে অৱ আছাম"

এক ঐতিহাসিক ক্ষেত্ৰৰ সমীপত ব্যৱসায়িক লাভালাভৰ বাবে নিৰ্মাণ কৰা এই ৰেস্তোৰাৰ ফলত বিঘ্নিত হৈছে নেকি নৰ্থব্ৰুক গেটৰ সৌন্দৰ্য ? ক্ৰমান্বয়ে ৰেষ্টোৰা আচ্ছাদনে ঢাকি ধৰা নৰ্থব্ৰুক গেটখনে নিজৰ অস্তিত্ব জাহিৰ কৰিবলৈ সংগ্ৰাম কৰিব লগা হৈছে ৷ একেদৰে সাধাৰণ ৰাইজেও লাহে লাহে পাহৰি গৈছে সেই স্থানত যে এখন গেট আছিল ৷

গুৱাহাটী, 5 জুনঃ ব্ৰিটিছ ভাইছৰয় ল'ৰ্ড নৰ্থব্ৰুকক গুৱাহাটীত আদৰাৰ অৰ্থে নিৰ্মাণ কৰা হৈছিল এই গেটখন ৷ গেটখন নিৰ্মাণ কৰা হৈছিল শুক্ৰেশ্বৰ ঘাটত য'ত ভাইছৰয়গৰাকীয়ে অসম ভ্ৰমণৰ সময়ত প্ৰথম পদাৰ্পণ কৰিছিল। ব্ৰিটিছ যুগৰ নিৰ্মাণ-শৈলীৰে নিৰ্মিত এই নৰ্থব্ৰুক গেট হৈছে অসমৰ বিট্ৰিছৰ দিনৰ চিহ্ন যিয়ে প্ৰকাশ কৰে অসমত বিট্ৰিছৰ আধিপত্যৰ চিন । ১৪০ বছৰ ধৰি গুৱাহাটীৰ বুৰঞ্জীৰ বিভিন্ন ঘটনাৰ সাক্ষী হৈ লুইতৰ পাৰত থিয় দি আছে গেটৱে অৱ আসাম । কিন্তু সংৰক্ষণৰ অভাৱত আজি নিজৰ অস্তিত্ব ৰক্ষাৰ যুঁজত অৱতীৰ্ণ হ'ব লগা হৈছে এই ঐতিহাসিক গেটখনে ।

লগতে পঢ়কঃ বিস্ময়ঃ স্থবিৰ হ'ব নেকি অৰ্ধ শতিকাজোৰা বৰ্ণাঢ্য যাত্ৰা ?

এক ঐতিহাসিক ক্ষেত্ৰৰ সমীপত ব্যৱসায়িক লাভালাভৰ বাবে নিৰ্মাণ কৰা এই ৰেস্তোৰাৰ ফলত বিঘ্নিত হৈছে নেকি নৰ্থব্ৰুক গেটৰ সৌন্দৰ্য ? ক্ৰমান্বয়ে ৰেষ্টোৰাৰ আচ্ছাদনে ঢাকি ধৰা নৰ্থব্ৰুক গেটখনে নিজৰ অস্তিত্ব জাহিৰ কৰিবলৈ সংগ্ৰাম কৰিব লগা হৈছে ৷ একেদৰে সাধাৰণ ৰাইজেও লাহে লাহে পাহৰি গৈছে সেই স্থানত যে এখন গেট আছিল ৷ নৰ্থব্ৰুকৰ আগমণৰ বাবে বহু কীৰ্তিচিহ্ন বিভিন্ন স্থানত নিৰ্মাণ কৰা হৈছিল যদিও সেই সমূহ বৰ্তমান নিঃচিহ্ন কিন্তু ইতিহাস বুকুত বান্ধি বছৰ বছৰ ধৰি থিয় হৈ আছে ব্ৰহ্মপুত্ৰ পাৰৰ এই গেটখন ৷ কিন্তু ঐতিহাসিক হ'লেও নৰ্থব্ৰুক গেট সম্পৰ্কত আজিও জ্ঞাত নহয় ৰাজ্যবাসী ৷ উল্লেখ্য যে পৰ্যটন বিভাগৰ দায়িত্বত থকা নৰ্থব্ৰুক গেট সম্পৰ্কত বিভাগটোৱে অৱগত কৰা ধৰণে পদক্ষেপসমূহ ভৱিষ্যতে কাৰ্যকাৰী হ'ব নে নাই সেয়া এক লক্ষণীয় বিষয়..

গেটৱে অৱ আছাম