গুৱাহাটী, 25 জুন: তৃণমূল কংগ্ৰেছত যোগদান কৰিলে সদ্য কংগ্ৰেছত্যাগী দিলীপ কুমাৰ শৰ্মাই (Dilip Kumar Sarma joins TMC)৷ শুকুৰবাৰে অসম প্ৰদেশ কংগ্ৰেছৰ জ্যেষ্ঠ নেতা তথা কংগ্ৰেছৰ জ্যেষ্ঠ মুখপাত্ৰগৰাকীয়ে কংগ্ৰেছ দল ত্যাগ কৰাৰ পাছত শনিবাৰে তৃণমূল কংগ্ৰেছত যোগদান কৰে ৷
কংগ্ৰেছ দল ত্যাগ কৰাৰ 24 ঘণ্টাৰ ভিতৰতে কংগ্ৰেছৰ জ্যেষ্ঠ নেতাগৰাকীয়ে যোগদান কৰিলে তৃণমূল কংগ্ৰেছত ৷ শনিবাৰে গুৱাহাটী মহানগৰীত সাংসদ তথা তৃণমূল কংগ্ৰেছৰ ৰাষ্ট্ৰীয় মুখপাত্ৰ ডাঃ শান্তনু সেন(MP Santunu Sen) আৰু অসম তৃণমূল কংগ্ৰেছৰ সভাপতি ৰিপুণ বৰাৰ(Assam TMC president) উপস্থিতিত তৃণমূল কংগ্ৰেছত যোগদান কৰে জ্যেষ্ঠ নেতাগৰাকীয়ে ৷
