গুৱাহাটী, ১৬ ছেপ্টেম্বৰ: নিতৌ ন ন আঁচনি ঘোষণাৰে ৰাজ্যবাসীক চমক দিয়াৰ চেষ্টা চলাইছে বিজেপি চৰকাৰে । বিগত কেইবামাহৰ পৰা ৰাজ্যত কৰ’ণাই ত্ৰাসৰ সৃষ্টি কৰিছে সেই ত্ৰাসে দেশ তথা ৰাজ্যৰ অৰ্থনীতি ব্যৱস্থাত ব্যাপক প্ৰভাৱ পৰা দেখিবলৈ পোৱা গৈছে ৷ কিন্তু ৰাজ্যৰ বিত্তীয় অৱস্থা সন্তোষজনক নহয় বুলি ৰাজ্যবাসীয়ে অনুমান কৰিব পাৰিছে । ইয়াৰ উপৰি স্বয়ং বিত্ত মন্ত্ৰী ডঃ হিমন্ত বিশ্ব শৰ্মায়ো বিগত সংবাদমেলত নিজমুখে এই কথা স্বীকাৰ কৰিছে ৷
কিন্তু ইয়াৰ পিছতো আগন্তুক বিধানসভা নিৰ্বাচনলৈ চকু ৰাখি ১১,৯০০ কোটি টকীয়া আন্তগাঁঠনি নিৰ্মাণৰ আচনি ঘোষণা কৰিছে। ইপিনে ২৮০০ কোটি টকা "অৰুণোদয়" আঁচনিত ধাৰ্য কৰা হৈছে ৷ ইয়াৰোপৰি ২০৬৬ কোটি টকা নতুন হাস্পটাল নিৰ্মাণৰ বাবে ধাৰ্য কৰা হৈছে ।
ইফালে কেন্দ্ৰীয় চৰকাৰক গ্যাৰান্তৰ হিচাপে ৰাখি অসম চৰকাৰে ভাৰতীয় ৰিজাৰ্ভ বেংকৰ পৰা পুঁজি ধাৰলৈ ল'ব বিচাৰিছে যদিও এই ক্ষেত্ৰত বৰ্তমানো কেন্দ্ৰই সহাৰি জনোৱা নাই । বিত্ত বিভাগৰ একেটা সুত্ৰই বিশ্ববেংকৰ পৰা লোৱা ধাৰৰ ধন কেইবাটাও বিভাগে উপযুক্ত ব্যৱহাৰো কৰিব পৰা নাই বুলিও প্ৰকাশ কৰিছে । তেনেক্ষেত্ৰত ৰাজ্য চৰকাৰে আই এম এফ আৰু জাইকাৰ পৰা পুঁজি ধাৰলৈ লৈ হ'লেও নিৰ্বাচনৰ পূৰ্বে চমক দিবলৈ আৰম্ভ কৰিছে এখনৰ পাছত আনখন আচঁনি ৷
লগতে পঢ়ক : 'পথাৰ আমাৰ বজাৰ আমাৰ' ধাৰণাৰে এজন আদৰ্শ কৃষকৰ 30 বছৰীয়া যাত্ৰা
